Xitayning tangzungza chaghinimu Uyghur élida medeniyet teshwiqati pa'aliyitige aylan'ghan

Muxbirimiz jewlan
2021-06-16
Share

Xitay taratqulirining yéqinda chiqarghan xewirige qarighanda, tangzungza chaghini kélish harpisida kucha shehiridiki xizmet guruppisi yerlik amma bilen birlikte tangzungza tügüsh, tangzungza yéyish qatarliq pa'aliyetlerni élip barghan. Kucha sheherlik maliye idarisining ulughchat bazirida turushluq xizmet guruppisi we kucha sheherlik pilanliq tughut mulazimet orni xizmetchiliri yézilargha chüshüp, yerlik ahaliler bilen tangzungza chaghini ötküzgen we buni "Jungxu'a medeniyitining ilghar en'enisige warisliq qilip, milletler ittpaqliqini janlandurush" dep alahide teshwiq qilghan.

Közetküchilerning bildürüshiche, xitayning her qandaq en'eniwi bayrimi kelse Uyghur rayonining her qaysi jaylirida wezipe ötewatqan xizmet guruppilirining teshwiqat pa'aliyetliri janlinip kétidiken, chünki xitay medeniyitini omumlashturush we uni yerlik medeniyetning ornigha dessitish ularning muhim wezipisi we töhpe yaritish nuqtisi iken. Bu xewerde tilgha élin'ghan kucha sheherlik xizmet guruppilirining yézilargha chüshüp, yerlik Uyghurlarni bir yerge toplap tangzungza chaghini ötküzüshi ene shuning jümlisidin bolup, yerlik Uyghurlar bu bayramni bésim, qorqunch, yalghan külke we saxta qizghinliq ichide ötküzüshke mejbur bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet