Uyghurlar xitay dölet bayrimining 70 yilliqini xitayche en'enide tebrikleshke mejburlandi

Muxbirimiz eziz
2019.10.01

Uyghurlar diyarining herqaysi jaylirida xitay xelq jumhuriyiti qurulghanliqining 70 yilliqi tebrikliniwatqanda Uyghurlarning xitayche en'ene boyiche bu bayramni tebrikleshke mejburlinishi diqqet qozghidi.

“Tengritagh” torining 30-séntebirdiki xewiride éytilishiche, qeshqer, ürümchi, xoten, korla qatarliq jaylardiki Uyghurlar öylirining aldigha xitayning qizil bayriqini we xitayche xetlik qizil panuslarni asqan. Uyghur ösmürlirining mengzige bir tutash xitay bayriqi tamgha shekilde bésilghan. Yene bezi jaylarda bolsa xitaylarning atalmish “Inqilabiy qurbanliri” ning qebrisige gülchembirek qoyushqa teshkillen'gen.

Analizchilar bu heqte pikir qilip, buning mustemlike hakimiyetler herqachan qollinip kelgen kona usul ikenlikini bildürdi. Washin'gton shehiridiki Uyghur pa'aliyetchilerdin ilshat hesen bu toghriliq toxtilip: “Xitaylar özlirining bayriqini Uyghurlarning yüzige tamgha qilip uralighan bilen ularning qelbige ornitalmaydu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.