Уйғур районидики бастуруш һәрикәтлириниң әмди йәнә «қара күчләр» ни тазилаш намида давам қилидиғанлиқидин бешарәт берилмәктә

Мухбиримиз шөһрәт һошур
2019-04-10
Елхәт
Пикир
Share
Принт

Хитайниң тәңритағ ториниң хәвәр қилишичә, хитай мәркизи һөкүмитиниң аталмиш қара күчләрни тазилаш вә рәзилликни түгитиш 21-назарәт гурупписи йеқинда уйғур райониға кирип орунлашқан вә 9-апрел күни үрүмчидә сәпәрвәрлик йиғини ачқан.

Уйғур райониниң партком секретари чен чүәнго сәпәрвәрлик сөзи қилған бу йиғинда сиясий орунни йүксәлдүрүш, муқимлиқни мустәһкәмләш чақириқи тәкитләнгән. Йиғинда «бәшни бирләштүрүш» вә «төтни омумлаштуруш» қатарлиқ кона шоарлардин башқа йәнә шәкли бираз йеңиланған мәсилә байқаш, мәсилә тәкшүрүш, мәсилә тәтқиқ қилиш, мәсилә бир тәрәп қилиш қатарлиқ шоарлар қоюлған.

Уйғур районида 2015-йили йезиларда елип берилған мәсилә тапшуруш долқунида йүз миңларчә киши өзлириниң нормал диний паалийәтлириниму мәсилә сүпитидә тапшурушқа мәҗбур болған вә түрмиләргә ташланған иди. Даириләр йеқинда кадирлар арисидиму мәсилә тапшуруш һәрикити қозғиған вә һәрикәттиму бир түркүм уйғур кадирлириниң мәсилисини өзлүкидин мәлум қилғанлиқи хәвәр қилинған иди.

Мәлум болушичә, бу қетимқи «қара күчләрни тазилаш» йиғинидики әң йеңи оттуриға қоюлғини «муһапизәт күнлүкини йоқитиш» шоари болуп, бу шоарниң аталмиш икки йүзлимичиләргә қаритилғанлиқи пәрәз қилинмақта. Вашингтонда яшаватқан сиясий көзәткүчи мәмәт сулайман әпәнди, уйғур районида йеқинқи икки йилда «икки йүзлимичилик» билән әйибләнгән уйғур әмәлдарларниң хели бир қисминиң аталмиш «3 хил күчләр» ни қанат астиға алғанлиқи йәни уларға муһапизәт күнлүки болуп бәргәнлики үчүн җазаланғанлиқини баян қилди.

Тәңритағ ториниң хәвиридә қара җәмийәткә қарши күрәш долқуниниң уйғур районида бу йил 8-апрелдин 25-майғичә давам қилидиғанлиқи йезилған.

Пикирләр (0)
Share
Толуқ бәт