Ötken bir yilda xitayda 35 ölke we ministirdin yuqiri derijilik kadir sotqa tartilghan

Muxbirimiz ümidwar
2017-03-12
Élxet
Pikir
Share
Print


2016-Yili xitayda ölke we ministirdin yuqiri derijilik rehbiri kadirdin 35 nepiri üstidin délo turghuzulup, sot yeküni chiqirilghan, bularning hemmisi parixorluq we xiyanetchilik jinayiti bilen eyiblen'gen.

Bu uchurlar béyjingda échiliwatqan xitay xelq qurultiyi, 5-qétimliq yighinining 3-qétimliq omumi yighinida söz qilghan xitay aliy sot mehkimisining bashliqi jow chyangning doklatidin melum bolghan.

Shinxu'a torining xewerliride körsitilishiche, jow chyang doklatida, 2016-yili, her derijilik sot mehkimilirining xiyanetchilikke munasiwetlik 63ming ademning 45 ming délosi üstidin sot yeküni chiqarghanliqi, bularning ichidiki eyiblen'güchilerdin 35 ademning ölke we ministirdin yuqiri derijilik, 240 ademning nazaret derijilik kadir ikenlikini körsetken.

Jow chyang doklatida sabiq xitay herbiy ishlar komitétining mu'awin re'isi gu boshong, memliketlik siyasiy kéngeshning sabiq mu'awin re'isliri ling jinxu'a, su rong qatarliqlarning zor déloliriningmu barliqinimu eskertken.

Jow chyang sözide xiyanetchilik we parixorluqqa qattiq zerbe bérish pozitsiyiside ching turghanliqini we shi jinpingning bir qatar muhim sözlirining rohi hem döletni qanun bilen idare qilishtiki yéngi idiye we yéngi istratégiyining emeliyleshtürüliwatqanliqini tekitligen.

Toluq bet