Хитай страхуванийә саһәсиниң әң юқири дәриҗилик рәһбири тәкшүрүш астиға елинған

Мухбиримиз үмидвар
2017-04-09
Share


Хитай компартийәси мәркизи интизам тәкшүрүш комитети 9-април күни хитай дөләтлик страхуванийә назарәт вә башқуруш комитетиниң рәиси шяң җүнбониң тәкшүриливатқанлиқини җакарлиған болуп, әмма интизам тәкшүрүш комитети униң пәқәт "интизамға еғир дәриҗидә хилаплиқ қилғанлиқи"нила тилға елип, тәкшүрүлүши сәвәблириниң тәпсилати һәққидә һечнемә демигән.

Б б с агентлиқиниң хәвиридин мәлум болушичә, шяң җүнбо мәзкур вәзиписини бәш йилдин буян атқуруп келиватқан болуп, әмма иҗтимаий таратқуларда униң бу йил 2-айдин башлап тәкшүрүлүшкә башлиғанлиқи һәққидики учурлар оттуриға чиққан икән.

57 яшлиқ шяң җүнбо илгири көп йиллар хитай йеза игилик банкисиниң башлиқи, ширкәт лидири, партийә секритари болған һәмдә хитай коммунистик партийәси 18-қурулитийида мәркизи комитет әзалиқиға бекитилгән.

Анализчилар шяң җүнбониң чириклик, парихорлуқ сәвәбидин тәкшүрүш астиға елинғанлиқини җәзимләштүрмәктә. Хитай мәркизи интизам тәкшүрүш комитети илгири җазаланған бир қисим юқири дәриҗилик рәһбирий шәхсләриниңму пәқәт "интизамға еғир хилаплиқ қилғанлиқи"ни елан қилған болсиму, бирақ, ақивәттә уларниң һәммиси парихорлуқ вә чириклик қилмиши билән қаттиқ җазаға учриған иди.

Анализчилар страхованийә саһәсиниң али рәһбириниң аттин йиқилишиниң, хитай сратихавнийә саһәсиниң һәр дәриҗилик қатламлирида чириклик қилмишлириниң еғир икәнликидин бишарәт беридиғанлиқини тәһлил қилишмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт