Xitay straxuwaniye sahesining eng yuqiri derijilik rehbiri tekshürüsh astigha élin'ghan

Muxbirimiz ümidwar
2017-04-09
Élxet
Pikir
Share
Print


Xitay kompartiyesi merkizi intizam tekshürüsh komitéti 9-april küni xitay döletlik straxuwaniye nazaret we bashqurush komitétining re'isi shyang jünboning tekshüriliwatqanliqini jakarlighan bolup, emma intizam tekshürüsh komitéti uning peqet "Intizamgha éghir derijide xilapliq qilghanliqi"nila tilgha élip, tekshürülüshi seweblirining tepsilati heqqide héchnéme démigen.

B b s agéntliqining xewiridin melum bolushiche, shyang jünbo mezkur wezipisini besh yildin buyan atqurup kéliwatqan bolup, emma ijtima'iy taratqularda uning bu yil 2-aydin bashlap tekshürülüshke bashlighanliqi heqqidiki uchurlar otturigha chiqqan iken.

57 Yashliq shyang jünbo ilgiri köp yillar xitay yéza igilik bankisining bashliqi, shirket lidiri, partiye sékritari bolghan hemde xitay kommunistik partiyesi 18-qurulitiyida merkizi komitét ezaliqigha békitilgen.

Analizchilar shyang jünboning chiriklik, parixorluq sewebidin tekshürüsh astigha élin'ghanliqini jezimleshtürmekte. Xitay merkizi intizam tekshürüsh komitéti ilgiri jazalan'ghan bir qisim yuqiri derijilik rehbiriy shexsleriningmu peqet "Intizamgha éghir xilapliq qilghanliqi"ni élan qilghan bolsimu, biraq, aqiwette ularning hemmisi parixorluq we chiriklik qilmishi bilen qattiq jazagha uchrighan idi.

Analizchilar straxowaniye sahesining ali rehbirining attin yiqilishining, xitay sratixawniye sahesining her derijilik qatlamlirida chiriklik qilmishlirining éghir ikenlikidin bisharet béridighanliqini tehlil qilishmaqta.

Toluq bet