Хитай чәтәлдин чириклик вә иқтисади җинайәт билән мунасивәтлик 2000 дин артуқ адәмни қайтуруп кәлгән

Мухбиримиз үмидвар
2016-10-30
Share

Йеқинқи йилларда хитай мәркизи һөкүмити бир қисим мәмликәтләр билән сөзлишиш арқилиқ дөләтниң иқтисадини чәтәлгә елип қечип кәткән вә парихорлуқ җинайити садир қилған бир қисим хадимлар, болупму һөкүмәт хадимлирини тутуп қайтуруп келишкә киришкән.

Хитай мәркизи интизам тәкшүрүш комитетиниң ашкарилишичә, хитай һөкүмити 2014 - йилидин буян 70 дөләткә қечип кәткән хитай хадимлиридин 2210 адәмни қайтуруп кәлгәнлики, буларниң ичидә 363 адәмниң һөкүмәт хизмәтчиси икәнлики шуниңдәк 8 милярд сом хәлқ пулиниң қайтурувелинғанлиқи билдүрүлгән.

Б б с агентлиқиниң хәвиридә хитай мәнбәлири асасида илгири сүрүлүшичә, хитай тәрәп қайтуруп кәлгән бу адәмләрниң көпинчиси парихорлуқ, алдамчилиқ җинайити билән вә һоқуқидин пайдилинип парихорлуқ җинайити өткүзүп, чәтәлгә қечип кәткәнләр икән. Мәсилән, хәлқара сақчи оргини тутуш буйруқи чиқарған асаслиқи чирикликкә мунасивәтлик 100 һөкүмәт хадиминиң ичидә 35 җинайитини тапшурған икән.

Мәлумки, ши җинпиң һакимийәтни игилигәндин буян парихорлуқ вә чирикликкә зәрбә беришни күчәйткән иди. Нәтиҗидә, мәркизий һөкүмәт вә бир қисим өлкиләрдики бир қисим юқири дәриҗилик рәһбири шәхсләрму чириклик җинайити билән җазаланди. Мәтбуат инкаслирида даим чирик әмәлдарларниң аилә - тавабиатлириниң зор миқдардики иқтисадни чәтәлгә йөткәп кәткәнликиму қәйт қилинип келинмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт