Хитай һөкүмити "шинҗаң мусулманлири тори" тәсис қилип, компартийәниң дини сияситини тәшвиқ қилишқа башлиған

Мухбиримиз қутлан
2016-01-11
Share

Игилишимизчә, хитай һөкүмити йеқинда үрүмчидә тәсис қилинған уйғур вә хитай тиллиридики "шинҗаң мусулманлири тори" дин пайдиллинип, хитай ичи вә хәлқараға өзиниң дин сияситини тәшвиқ қилишқа башлиған.

Мәзкур тор бәттин мәлум болушичә, даириләр уйғур аптоном районлуқ ислам дини җәмийитидә рәис яки муавин рәислик вәзиписини өтәватқан яки һәрқайсий чоң җамәләрниң имамлиқиға тәйинләнгән "қизил кинишкилиқ диний зат" ларни ишқа селип мәхсус вәз - тәблиғ филими ишлигән.

Улардин шинҗаң ислам институтиниң мудири абдурәқип дамолла сөзлигән "пәйғәмбәр әләйһиссаламниң вәтән сөйгүсидин өгинәйли", үрүмчи ақ мәсчитниң имами абдушүкүр рәһмитулла дамолла һаҗим сөзлигән "ислам дини оттуриһал йол тутушни тәшәббус қилиду", үрүмчи ноғай мәсчитниң имами муһәммәтрәһим шерип дамолла һаҗимн сөзлигән "ислам динидики 5 пәрзниң бири - роза тутуш" қатарлиқ вәз - тәблиғ филимлири тор бәткә қоюлған.

Абдурәқип дамолла мәзкур тәблиғ филимидә пәйғәмбәр әләйһиссаламниң мәккә вә мәдинә һәққидә ейтқан һәдислиридин нәқил кәлтүрүп, уйғур мусулман җамаитини өз юртини сөйүшкә шундақла өз юрти тәвә болған "вәтән" ни һимайә қилишқа чақирған.

Көзәткүчиләр вә муһаҗирәттә яшватқан уйғур диний затлар хитай һөкүмити базарға салған мәзкур тор бәтниң ислам дини үчүн әмәс, бәлки хитай һөкүмитиниң сиясәтлири үчүн тәшвиқат қурали боливатқанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт