Xitay elchisi süy tyenkeyni qoghlap chiqirish chuqanliri kötürülmekte

Muxbirimiz eziz
2020-03-17
Share

Xitayning oxshimighan yollar arqiliq amérikani "Tajsiman wirusning menbesi" dep töhmet qilishi her sahening tenqidliri shundaqla xitaygha bolghan ghezipini qozghawatqanliqi melum.

"Washin'gton teptishi" heptilik zhurnilining 16-mart sanida élan qilin'ghan tom rogan imzasidiki maqalide xitay hökümitining amérikada turushluq bash elchisi süy tyenkeyni amérikadin qoghlap chiqirish otturigha qoyuldi.

Aptorning qarishiche, xitay hökümiti izchil wirus mesiliside dunyagha yalghan uchur tarqatqan bolup, "Shi jinping bashlamchiliqidiki xitay hökümiti bu heqtiki barliq jawabkarliqni üstige élishi lazim" dep körsitildi.

Tom morgan bu heqte toxtilip: "Xitay hökümiti emdilikte héchqandaq pakitsizla wirusning menbesini amérikagha artip qoyuwatidu. Halbuki, bizning hökümitimizning bu töhmetke qayturghan jawabi yéterlik bolmidi" dégen. Maqalida buning amérika tashqi ishlar ministirliqining ötken hepte xitayning amérikadiki bash elchisi süy tyenkeyni chaqirtip diplomatik nota tapshurush weqesini körsitidighanliqi  eskertilip, bu xildiki yalghanlargha emdi sewr qilishqa bolmaydighanliqi, süy tyenkeyni qoghlap chiqiridighan peytning yétip kelgenlikini alahide tekitleydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet