Ürümchi shehirining sabiq partkom sékrétari li ji parixorluq bilen eyiblinip sotqa tapshuruldi

Muxbirimiz méhriban
2016-04-14
Share

Xitay taratqulirining 14-aprél xewer qilishiche, 2015-yili 6-iyul parixorluq qilmishliri seweblik tekshürüshke yollan'ghan ürümchi shehirining sabiq partkom sékrétari li jining délosi, chingxey ölkisi shining sheherlik teptish mehkimisi teripidin tekshürülüp, shining sheherlik ottura sotning bir terep qilishigha resmiy tapshurulghan.

Xitay xewiride esli yurti enxuy bolghan li jining 1969-yilidin bashlap Uyghur aptonom rayonida xizmet qilishqa bashlighanliqi, uning shinjang yénik sana'et shirkitining bashliqi, bortala oblastining partkom sékrétari, sanji oblastining partkom sékrétari, ürümchi shehirining partkom sékrétari, Uyghur aptonom rayoni xelq qurultiyining mu'awin mudiri bolghan mezgillerde “Xizmet qulayliqidin paydilinip, para yéyish, hoquqini qalaymiqan ishlitish qatarliq intizamgha éghir derijide xilapliq qilghanliqi” seweblik qanun orunlirigha tapshurulghanliqi tilgha élin'ghan.

Li ji ürümchi shehirining partkom sékrétarliq wezipisini ötewatqan mezgilide “2009-Yildiki 5-iyul qirghinchiliqi” we shu yili 3-séntebirdiki xitaylarning wang léchüenning texttin chüshüshini telep qilish namayishi yüz bergen.

Uning 3-séntebir küni xitay namayishchilirigha qarita qutratquluq tüsini alghan nutuq sözligenliki ürümchidiki xelq'ara taratqular muxbirliri arqiliq ashkarilan'ghandin kéyin, li ji we da'iriler qattiq eyibleshke uchrighan idi.

2009-Yili 7-séntebir radi'omiz ziyaritini qobul qilghan ilham toxti li jining 3-, 7-séntebirdiki xitaylarning kochigha chiqip Uyghurlarni urush weqesini bir terep qilishta chong xitaychiliq idiyisini terghib qilghanliqini tenqidligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet