Xitay yuqiri derijilik sabiq emeldarining inisimu parixorluq jinayiti bilen sotlan'ghan

Muxbirimiz irade
2016-10-18
Share

Xitayning sabiq dölet re'isi xu jintaw mezgilide merkizi komitét ish bashqurush idarisining mudirliq wezipisini ötigen ling jixu'aning inisi ling jéngsé parixorluq jinayiti bilen sotlan'ghan.

Shinxu'a torining bügün bu heqte tarqatqan uchurida, ling jéngséning seyshenbe küni parixorluq jinayiti bilen sotlan'ghanliqi, uning ikki milyon 400 ming dollar xiyanet qilghan jinayitini étirap qilghanliqi ilgiri sürülgen.

Uning akisi ling jixu'amu merkezdiki "Attin ghulighan" yuqiri derijilik emeldarlardin idi. Ling jixu'a bu yil 7-ayda parixorluq, qanunsiz halda dölet mexpiyetlikini qolgha chüshürüsh we emilini suyi'istémal qilish bilen eyiblinip, ömürlük qamaq jazasigha höküm qilin'ghan idi.

Ling jixu'aning yene bir qérindishi bolghan ling wangchéng bolsa amérikigha qéchip ketken bolup, xitayning chiriklikke qarshi küresh qilish ishxanisi özlirining amérikidin uni qayturup bérishni telep qilghanliqini bildürgen iken.

Firansiye agéntliqining xewer qilishiche, ling wangchéngning amérikigha qéchip kétishi ling jixu'aning uninggha xitayning yadro qorallirining mexpiy shifirliri qatarliq muhim dölet mexpiyetlikini éytip bérip, andin uni amérikigha qachuruwetkenliki heqqidiki söz-chöcheklernimu keltürüp chiqarghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet