Америка хитай хәлқ қурултийиниң әркин имирбақини өз ичигә алған 14 әмәлдариға ембарго қойди

2020-12-07
Share

Америка ташқи ишлар министири майк помпепо 7-декабир баянат елан қилип, хитай хәлқ қурултийи даимий комитетиниң әркин имирбақини өз ичигә алған 14 нәпәр муавин мудириға ембарго қойғанлиқини елан қилди. Майк помпейониң тәкитлишичә, юқириқи 14 кишигә хитай хәлқ қурултийиниң даимий комитети хоңкоң хәлқиниң әнглийә-хитай қошма ахбарати вә хоңкоң түп қануниға асасән өз вәкиллирини сайлишиға бузғунчилиқ қилғанлиқи үчүн ембарго йүргүзүлгән. Бу, америка һөкүмитиниң тунҗи қетим хитай юқири һакимийәт қатлимидики бир уйғурға хитай әмәлдарлириниң қатарида ембарго йүргүзүшидур.

Әркин имирбақи илгири уйғур аптоном райониниң муавин рәиси, аптоном районлуқ хәлқ қурултийиниң мудири қатарлиқ вәзипиләрни өтигән болуп, һазир у хитай хәлқ қурултийи даимий комитетиниң муавин мудирилиқини атқуруп келиватқаниди. Майк помпейо баянатида "бүгүн ташқи ишлар министирлиқиниң бу номуссиз қилмишларда мәсулийити барларни җавабкарлиққа тартқанлиқи", хоңкоң дөләт бихәтәрлик қануниниң түзүлүши, мақуллиниши вә иҗра қилинишиға четишлиқ 14 кишиниң исми бекитилгәнликини тәкитлигән.

Хитай хәлқ қурултийи даимий комитетиниң бу 14 нәпәр муавин мудири җаң чүншйән, ваң чен, сав җйәнмиң, шән йүййө, җи биңшйән, әркин имирбақи, ваң еншяң, ваң доңмиң, чен ду қатарлиқларни өз ичигә алған. Баянатта, бу кишиләргә виза ембаргоси қоюлуп, улар вә уларниң аилә-тавабиатлириниң америкаға кириши чәклинидиғанлиқи, уларниң америкадики мал-мүлки тоңлитилип, америкалиқларниң улар билән алақидә болуши мәни қилинидиғанлиқи билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт