Atush soti béyjinggha 160 qétim erz qilip barghan er-ayal xitay erzdargha qamaq jazasi bergen

Muxbirimiz erkin
2016-08-19
Élxet
Pikir
Share
Print

Uyghur rayonida xitay erzdarlargha qamaq jazasi bérish az uchraydighan ehwal bolsimu, emma qizilsu oblastliq ottura soti béyjinggha 160 qétim erz qilip barghan ikki xitay köchmen erzdarni qamaq jazasigha höküm qilghan.

Xitay "Yer shari waqti géziti"ning ashkarilishiche, oblastliq sot erzdar wang zéngying bilen ayalining 160 qétim béyjinggha erz qilip bérishini "Parakendichilikke qutratquluq qilishtek gheyriy normal heriket" dep qarap, érini 3 yilliq, ayalini 2 yilliq qamaq jazasigha höküm qilghan.

Atush sheherlik sot wang zéngying bilen ayalini 2015‏-yili 12‏-ayda qamaq jazasigha höküm qilghan, emma er-ayal ikkiylen hökümge naraziliq bildürüp, qizilsu oblastliq ottura sotqa erz qilghan iken. Oblastliq ottura sot yéqinda ularning erzini ret qilghan.

Xewerde ilgiri sürüshiche, wang zéngying we ayali ilgiri bir baghwaran dawasida qeshqer sheherlik hökümet bilen sotliship qélip, qeshqer sheherlik hökümetning 3 milyon 120 ming som tölem bérishini telep qilghan.

Sot 2012‏-yili xitay er-ayalning paydisigha höküm chiqarghan bolsimu, emma sheherlik hökümet tölep bérishni ret qilghan. Shuning bilen er-ayal köchmen xitaylar béyjinggha bérip erz qilishqa bashlighan.

"Yer shari wati géziti"ning ilgiri sürüshiche, qizilsu oblastliq sot erzdar xitay er-ayalni 2012‏-yildin béri 160 qétim gheyriy normal erz qilip, tyen'enmin meydani qatarliq nazuk orunlarning ammiwi tertipige tesir qilghan, dep eyibligen.

Toluq bet