Yaponiye xitaydin hawa mudapi'e rayonini derhal bikar qilishni telep qildi

Muxbirimiz erkin
2013-11-28
Élxet
Pikir
Share
Print

Yaponiye hökümiti charshenbe küni xitaydin uning sherqiy déngiz hawa mudapi'e kimlik rayonini derhal bikar qilishni telep qilghan.

Shuning bilen birge, yaponiye hawa yolliri shirketliri charshenbe kündin bashlap, xitayning hawa mudapi'e kimlik rayonidin uchup ötkende uninggha özining uchush yölinishini melum qilmaydighanliqini élan qilghan.

Xitay dölet mudapi'e ministirliqi ötken shenbe sénkaku arallirini öz ichige alghan sherqiy déngiz hawa boshluqini mudapi'e kimlik rayoni, dep élan qilip, bu rayon'gha kirgen herqandaq chet'el ayropilanlirining özini melum qilishini telep qilghan. Melum qilmisa, mudapi'e xaraktérlik tedbir alidighanliqini bildürgen idi.

Yaponiye dölet mudapi'e weziri onudéra charshenbe küni: biz buni pütünley qobul qilmaymiz. Xitayning hawa mudapi'e kimlik rayonini derhal bikar qilishini ümid qilimiz. Ishinimenki, amérika oxshash pikirde, dégen.

Xitay düshenbe küni hawa mudapi'e kimlik rayonini élan qilip etisi amérikining 2 dane b-52 belgilik istratégiyilik bombardimanchi ayropilani bu rayondin uchup ötken. Xitay buninggha héchqandaq mudapi'e tedbiri qollanmighan idi.

Besh burjeklik binaning ashkarilishiche, amérika dölet mudapi'e ministiri chak héygél, sénkaku qatarliq yaponiye-xitay otturisida ixtilaptiki bezi arallarning amérika-yaponiye bixeterlik shertnamisige asasen qoghdilidighanliqini bildürgen.

Toluq bet