Xitay hökümiti tibet herbiy rayoni bash qomandani wang xeyjyangni Uyghur rayonigha yötkigen

Muxbirimiz jewlan
2021-08-04
Share

Xitay taratqulirining xewirige qarighanda, xitay merkiziy herbiy ishlar komitéti tibet herbiy rayonining bash qomandani bolghan wang xeyjyangni "Shinjang herbiy rayoni" ning bash qomanda'inliq wezipisige teyinligen. U Uyghur rayonigha kelgendin kéyinki bu bir qanche künde, septin chékin'gen herbiy emeldarlarni uzitish we ürümchi "Inqilawi qurbanlar qebrisi" ni yoqlash pa'aliyetlirige qatnashqan.

Melumatlargha qarighanda, wang xeyjyang sichüenlik bolup, 1963-yil tughulghan؛ herbiy mektepni püttürgendin kéyin ilgiri-axir bolup, "Azadliq armiye" 61-diwiziye bashliqi, "Jenubiy shinjang herbiy rayoni" ning mu'awin bash qomandani, tibet herbiy rayonining bash qomandani qatarliq wezipilerni ötigen. 2019-Yil génral léyténant derijisige östürülgen.

Wang xeyjyangning "Shinjang herbiy rayoni" ning bash qomandanliqigha teyinlinishi közetküchilerning diqqitini qozghawatqan bolup, xitay hökümiti 2016-yil tibet partkomining sékritari chén chüen'goni Uyghur rayonigha yötkep kélip, bu rayonda irqiy qirghinchiliq yürgüzgen bolsa, bu qétim xitay génrali wang xeyjyangni yötkep kélish arqiliq bu jinayetke arqa tirek bolush we künséri küchiyiwatqan xelq'ara bésimni tehdit dep qarap, Uyghur rayonining herbiy kontrolluqini téximu ching tutushni meqset qiliwatqan bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet