Xitay hökümiti: "Amérikaning 'Uyghur qanuni' xitayning térrorluqqa qarshi turush tirishchanliqini qarilighanliq"

Muxbirimiz erkin
2020-05-29
Share

Xitay tashqi ishlar ministirliqi 29-may küni amérikaning "2020-Yilliq Uyghur kishilik hoquq siyasiti qanun layihesi" ge inkas bildürüp, Uyghurlarning kishilik hoquqini depsende qiliwatqan xitay emeldarlirini jazalash toghrisidiki mezkur qanun layihesini "Xitayning térrorluqqa qarshi turush tirishchanliqini qarlighanliq," dep eyibligen.

Mezkur qanun layihesi 27-may küni amérika awam palatasida 1 ge qarshi 413 awazning qollishi bilen maqullinip, prézidént trampning imzalishigha sunulghan idi.

Bu xitay hökümitining mezkur qanun layihesi maqullan'ghandin béri tunji qétim uninggha inkas bildürüshidur. Roytérs agéntliqining xewer qilishiche, xitay tashqiy ishlar ministirliqining bayanatchisi jaw lijyen 29-may küni "Uyghur kishilik hoquq siyasiti qanun layihesi" ni eyiblep, bu qanun "Xitayning térrorluqqa qarshi turush tirishchanliqigha ochuq-ashkara qara chaplighanliq shundaqla xitayning ichki ishlirigha éghir derijide arilashqanliq," dégen.

Roytérs agéntliqining bildürüshiche, jaw lijyen yene amérikaning "Shinjang mesilisini kozir qilip, xitayning ichki ishlirigha arilishishini toxtitishi" ni telep qilghan. "2020-Yilliq Uyghur kishilik hoquq siyasiti qanun layihesi" de amérika hökümitining 180 kün ichide dölet mejlisige Uyghur rayonining weziyiti heqqide doklat sunushi, rayonda kishilik hoquqni depsende qiliwatqan Uyghur aptonom rayonluq partkomning sékrétari chén chüengo bashchiliqidiki xitay emeldarlirigha qarita jazalash tedbirlirini yürgüzüshi telep qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet