Хитай һөкүмити уйғур районида чошқа бақмичилиқи игиликини давамлиқ кеңәйтмәктә

Мухбиримиз әркин
2020-07-13
Елхәт
Пикир
Share
Принт

Хитай һөкүмити мусулманлар көп санлиқни игиләйдиған уйғур диярида чошқа бақмичилиқи игиликини давамлиқ кеңәймәктә.

Мәлум болушичә, нөвәттә даириләр уйғур дияриниң шиху районида чоң көләмлик йәнә бир чошқа бақмичилиқ фермиси қурмақта икән. Уйғур аптоном районлуқ һөкүмәт өткән йили мәзкур мусулманлар районини хитайдики әң чошқа бақмичилиқ базисиға айландуруп, хитайниң ички өлкилирини чошқа гөши билән тәминләйдиғанлиқини елан қилған. Буниң билән қәшқәр, бай, чәрчән қатарлиқ наһийә-шәһәрлиридә чоң көләмлик чошқа бақмичилиқ фермилири қурулған.

Лекин мәзкур пилан чәтәлдики уйғурларниң қаттиқ тәнқидигә учриған. Улар мәзкур пилан хитайниң уйғурларға қарита елип бериватқан «мәдәнийәт қирғинчлиқи» ниң бир парчиси, униң мәқсити «уйғурлардики исламий етиқадни суслаштуруп, ассимилатсийәни тезлитиш» дәп әйиблигән. Хитайдики «җуңго хәвәрлири» ториниң билдүрүшичә, нөвәттә шихода қурулуватқан чоң көләмлик чошқа бақмичилиқ фермиси шихониң шималидики биңтуән 7-дәвизийәгә қарашлиқ хуяңхе шәһиридә қурулмақта икән.

Хәвәрдә мәзкур ферминиң бу йил 10-айда рәсмий ишқа киришидиғанлиқи, дәсләпки қәдәмдә аз кәм 10 миң туяқ чошқа беқилидиғанлиқи, 2021-йили 30 миң туяққа йәткүзүлидиғанлиқини билдүргән. Хитай даирилириниң уйғур диярини чошқа бақмичилиқ базисиға айландуруш пилани униң уйғурларни чошқа гөши йейискә зорлап, чошқа гөши истемал қилиш-қилмаслиқни уларниң компартийигә вә хитай һөкүмитигә садиқ яки әмәсликини синаштидики өлчәм қиливалған бир вақитта оттуриға қоюлған иди.

Пикирләр (0)
Share
Толуқ бәт