Xitay hökümiti Uyghur éligha qoshna döletler bilen térroluqqa qarshi hemkarliqni kücheytmekchi

Muxbirimiz irade
2016.08.04
Share on WhatsApp
Share on WhatsApp


Xitay hökümiti pakistan, afghanistan we tajikistanlar bilen térrorluqqa qarshi turush ittipaqdashliqi qurghan. Roytérsning bu heqtiki xewiridin qarighanda, xitay armiyesining bash shtab bashliqi fang féngxuy charshenbe küni ürümchi shehiride yuqiridiki döletlerning armiye bash shitab bashliqlirini kütüwalghan we ulardin térrorluqqa ortaq qarshi turushni telep qilghan.

Xitayning shinxu'a tori bu heqte tarqatqan xewiride, herqaysi tereplerning térrorrluq we radikalliqni rayon bixeterlikige eng zor tehdit, dep tonup, “Töt dölet mixanizimi” arqiliq bu küchlerge qarshi küresh qilip, eza döletlerning muqimliqigha kapaletlik qilidighanliqini tekitlidi, dégen.

Xitay hökümiti Uyghurlargha chétishliq herqandaq bir weqeni térroluq dep élan qilish bilen birge, xelq'arada xitayning “Sherqiy türkistan islam herikiti” deydighan térroluq teshkilati bilen küresh qiliwatqanliqini ilgiri sürüp kelgen. Shunga, xitay hökümitining bu uchrishish arqiliq Uyghur élige xoshna bolghan yuqiridiki döletlerning yardimini qolgha keltürmekchi bolghanliqi mölcherlenmekte.

Aldinqi küni élan qilin'ghan xewerlerde, pakistan armiyisi générali shérifning xitay générali fanggha elqa'ide teshkilatigha chétilghan sherqiy türkistan islam herikitini qattiq basturidighanliqi heqqide wede bergenliki xewer qilin'ghan idi.

Roytérs bu heqtiki xewiride, ürümchide échilghan bu yighin, del bu heptining béshida xitay mudapi'e ministiri chang wenchüen afghanistan armiyisi générali qedem shah shahimge özlirining sherqiy türkistan islam herikitige qarshi kürishini qollap bergenlikige rehmet éytqandin kéyin'ge toghra keldi, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.