Франсийәлик фотограф вакниң уйғур ели мәнзирисигә аит сүрәтлири хитайларниң һуҗумиға учриған

Мухбиримиз әркин
2021-07-19
Share

Дунядики даңлиқ фотограф филим ширкити кодакниң франсийәлик фотограф патрик вакниң уйғур ели мәнзирисигә аит сүрәтлирини елан қилиши, хитай торлирида муназирә қозғиған. Кодак ширкити вә фотограф патрик вак хитай тордашлириниң һуҗумиға учриған.

Патрик вак тартқан бу сүрәтләр кодакниң инстиграмдики һесабида елан қилинған болуп, бу сүрәтләрдики изаһат хитай таратқулири вә тордашлирини биаран қилған. Мәлум болушичә, патрик вак бу сүрәтләргә "бу районда кәң көләмдә халиғанчә тутуп туруш системиси қурулди", бу сүрәтләр "шинҗаңниң туюқсиз орвелчә дистопийә ичигә чүшүп қалғанлиқиниң пакити" дәп изаһат бәргән.

Мәлум болушичә, хитайлар сүрәттики гүзәл мәнзириләр билән "шинҗаңниң туюқсиз орвелчә дистопийә ичигә чүшүп қалғанлиқи" оттурисида бир башлиниш йоқлиқини илгири сүргән. Бирақ көзәткүчиләрниң ейтишичә, патрик вак рәсимлиридә уйғур елиниң гүзәл-тағ дәря мәнзирилирини әкс-әттүрүш арқилиқ бу гүзәл мәнзирә илкидики йәрлик хәлқниң тинч һаятиниң йеқинқи бир қанчә йил ичидә қанчилик бузғунчилиққа уриғанлиқини ипадилимәкчи икән.

Лекин көзәткүчиләр, хитай һөкүмитиниң уйғурларға "ирқий қирғинчилиқ" қилғанлиқи илгири сүрмәктә. Улар йәнә хәлқараниң бу районда мустәқил тәкшүрүш елип берип, лагер вә түрмиләрдә ғайип болған аз дегәндә бир милйон 800 миң уйғурниң из-дерикини қилишини рәт қилипла қалмай, бәлки йәнә хитай тордашлирини ишқа селип, ғәрб сәнәтчилири вә тәтқиқатчилириниң бу мәсилигә пикир билдүрүшини контрл қилишқа уруниватқанлиқини билдүрмәктә. Мәлум болушичә, кодак хитайниң бесими түпәйли патрик вакниң фото сүрәтлирини ө‍чүривәткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт