Fransiyelik fotograf wakning Uyghur éli menzirisige a'it süretliri xitaylarning hujumigha uchrighan

Muxbirimiz erkin
2021-07-19
Share

Dunyadiki dangliq fotograf filim shirkiti kodakning fransiyelik fotograf patrik wakning Uyghur éli menzirisige a'it süretlirini élan qilishi, xitay torlirida munazire qozghighan. Kodak shirkiti we fotograf patrik wak xitay tordashlirining hujumigha uchrighan.

Patrik wak tartqan bu süretler kodakning instigramdiki hésabida élan qilin'ghan bolup, bu süretlerdiki izahat xitay taratquliri we tordashlirini bi'aran qilghan. Melum bolushiche, patrik wak bu süretlerge "Bu rayonda keng kölemde xalighanche tutup turush sistémisi quruldi", bu süretler "Shinjangning tuyuqsiz orwélche distopiye ichige chüshüp qalghanliqining pakiti" dep izahat bergen.

Melum bolushiche, xitaylar sürettiki güzel menziriler bilen "Shinjangning tuyuqsiz orwélche distopiye ichige chüshüp qalghanliqi" otturisida bir bashlinish yoqliqini ilgiri sürgen. Biraq közetküchilerning éytishiche, patrik wak resimliride Uyghur élining güzel-tagh derya menzirilirini eks-ettürüsh arqiliq bu güzel menzire ilkidiki yerlik xelqning tinch hayatining yéqinqi bir qanche yil ichide qanchilik buzghunchiliqqa urighanliqini ipadilimekchi iken.

Lékin közetküchiler, xitay hökümitining Uyghurlargha "Irqiy qirghinchiliq" qilghanliqi ilgiri sürmekte. Ular yene xelq'araning bu rayonda musteqil tekshürüsh élip bérip, lagér we türmilerde ghayip bolghan az dégende bir milyon 800 ming Uyghurning iz-dérikini qilishini ret qilipla qalmay, belki yene xitay tordashlirini ishqa sélip, gherb sen'etchiliri we tetqiqatchilirining bu mesilige pikir bildürüshini kontrl qilishqa uruniwatqanliqini bildürmekte. Melum bolushiche, kodak xitayning bésimi tüpeyli patrik wakning foto süretlirini ö‍chüriwetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet