Prézidént donald tramp: "Tajsiman wirus yuqumi amérikagha qilin'ghan 'pé'arl xarbor porti hujumi' dinmu éghirdur"

Muxbirimiz irade
2020-05-07
Share

Amérika prézidénti donald tramp tajsiman wirus yuqumini ikkinchi dunya urushida yaponiye armiyesining amérikaning "Pé'arl xarbor porti" gha qilghan hujumdinmu éghir, dédi.

Prézidént donald tramp yuqiriqi sözni 6-may charshenbe aqsaraydiki muxbirlarni kütüwélish yighinida qilghan. U sözide bu qétimliq wirus yuqumining amérikagha 2-dunya urushi mezgilide yaponiyening pé'arl xarbor portini bombardiman qilishidin we hetta 20 yil ilgiri yüz bergen "11-Séntebir weqesi" dinmu qattiq zerbe bolghanliqini bildürgen.

U mundaq dégen: "Biz dölitimizge qilin'ghan eng éghir hujumni bashtin kechürüwatimiz, bu biz duch kelgen eng éghir hujum. Bu 'pé'arl xarbor porti hujumi' dinmu, dunya soda merkizige qilin'ghan hujumdinmu éghir."

Prézidént donald tramp charshenbe künidiki sözidimu wirus yuqumining amérikagha we pütün dunyagha zor ziyan yetküzüshide xitayning mes'uliyiti barliqini tekitligen. U: "Bu wirus yuqumi eslide yüz bermesliki kérek idi. Eslide uni chiqqan yéride, yeni xitayda tizginliwélish mumkin idi, emma undaq bolmidi," dégen.

Shu küni yene amérika tashqi ishlar ministiri mayk pompéyomu xitayni wirus mesiliside eyibligen we ulardin musteqil tekshürgüchilerning xitaygha kirip tekshürüsh élip bérishigha yol qoyushni yene bir qétim tekitligen.

2019-Yili 12-ayda xitayning wuxen shehiride peyda bolghan tajsiman wirus hazirghiche amérikada 1 milyon 200 ming kishini yuqumlandurghan, 73 mingdin artuq kishining qaza qilishigha seweb bolghan. Nöwette amérika-xitay munasiwitining ötken 40 yildin buyanqi eng töwen chekke chüshkenliki melum. Bir qisim analizchilar buni ikki dölet munasiwetlirining "Yéngi soghuq urushi" dewrige kirgenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.