Xitay ölümge höküm qilin'ghan mehbuslarning ichki ezayini ishlitishni toxtatmaqchi

Xitay sehiye ministirliqining emeldari xu'ang jyéfu, xitayning bu yil 11 - aydin bashlap ölümge höküm qilin'ghan mehbuslarni ichki ezalirini köchürüp ishlitishni toxtitishqa bashlaydighanliqini bildürgen.

Uning ilgiri sürüshiche, xitay kelgüsi 2 yil ichide köchürüshke éhtiyajliq ichki ezalarni ölümge höküm qilin'ghan mehbuslar arqiliq qamdashtin, ichki eza i'ane qilish arqiliq qamdashni yolgha qoyidiken. Lékin közetküchiler buning emeliylishishi gumanliq, dep körsetmekte.

Xu'ang jyéfuning roytérs agéntliqigha bildürüshiche, xitay 2012 - yili éhtiyajliq adem ichki ezalirining 64 % ni ölümge höküm qilin'ghan mehbuslardin qamdighan. U, buning bu yil 54% ge chüshüsh éhtimal barliqini bildürgen.

Xitayda her yili ölüm jazasigha buyrulghan adem sani dölet mexpiyetliki hésablinidu.

Kishilik hoquq teshkilatlirining bildürüshiche, xitay her yili nechche ming ademge ölüm jazasi bérip, ijra qilip kelmekte. Xitayning éhtiyajliq adem ichki ezalirini ölümge buyrulghan mehbuslardin qamdishi kishilik hoquq teshkilatlirining tenqidige uchrap kelgen.

Bezi Uyghur kishilik hoquq pa'aliyetchilirining ashkarilishiche, xitay hökümiti 1990 - yillardin bashlap Uyghur siyasiy mehbuslirining ichki ezalirini élip ishletken.

Amérikiliq kishilik hoquq pa'aliyetchisi étan gutman, ilgiri amérika dölet mejliside guwahliq bérip, bu ehwalni pash qilghan idi.