2018-Йилида хитай иқтисадиниң җиддий төвәнләйдиғанлиқи тәхмин қилинмақта
2018-Йили хитай иқтисадиниң җиддий төвәнләйдиғанлиқи тәхмин қилинмақта. Радийомиз обзорчиси майкил лелйвелд бүгүн елан қилған мулаһизисидә баян қилинишичә, хитай иқтисади 2018-йили еғир синаққа дуч келидикән.
Униң баян қилишичә, хәлқара малийә фонди, йәни IMF йеқинда елан қилған бир доклатида, хитайда шәхсләр алған қәрзниң хәлқаралиқ өлчәмләрдин көп дәриҗидә ешип кәткәнликини тилға алған. Малийә фонди йәнә хитайниң малийә системисиниң барғансери қалаймиқанлишишқа қарап меңиватқанлиқини әскәртип, "бу қалаймиқанчилиқ йеқин кәлгүсидә йүз бәргүси малийә кризисигә асас салмақта," дегән.
Униң баян қилишичә, йәнә бәзи көзәткүчиләр хитай һөкүмитиниң қәрзгә тайинип болсиму дөләтниң йиллиқ ишләпчиқириш қиммитини 6 пирсәнттин төвәнгә чүшүп кәтмәсликкә капаләтлик қилидиғанлиқини, чүнки хитай һөкүмити үчүн сиясий хәвпләрниң иқтисадий хәвпкә қариғанда муһим орунда туридиғанлиқини билдүргән.
Австралийәдики "малийәни көзитиш жорнили" бу һәқтики мулаһизисидә, хитай иқтисадшунас анни стевенсон яңни зиярәт қилған. Анни яң сөзидә хитай иқтисадиниң қалаймиқанчилиққа қарап маңидиғанлиқини ейтип, "қизиқарлиқи, икки йил аввал һечким киризистин еғиз ачмайитти, әмма һазир һәммә киши йүз бәргүси бир киризистин сөз қилмақта," дегән.
- Бихәтәр дөләткә кетимән дәп маракәштә тутулуп қалған идрис һәсәнниң тәқдири хәвп астида қалған
- Чолпанлар устази қеюм муһәммәдниң 3 йилдин бери тутқунда икәнлики дәлилләнди
- Профессор гүлнар обулдики драматик "идийә өзгириши" уйғур көзәткүчиләрниң диққитини тартти
- Гума наһийә базар ичи сақчихана хадими: "қурбан һейт мунасивити билән илгири тақиветилгән 20 мәсчиттин төти ечиветилди"
- Ақсу айкөл сақчи хадими: һейт намизиға қанунсиз қатнашқан 170 нәччә киши сорақта
