2018-Yilida xitay iqtisadining jiddiy töwenleydighanliqi texmin qilinmaqta

Muxbirimiz irade
2018-01-04
Share

2018-Yili xitay iqtisadining jiddiy töwenleydighanliqi texmin qilinmaqta. Radiyomiz obzorchisi maykil lélywéld bügün élan qilghan mulahiziside bayan qilinishiche, xitay iqtisadi 2018-yili éghir sinaqqa duch kélidiken.

Uning bayan qilishiche, xelq'ara maliye fondi, yeni IMF  yéqinda élan qilghan bir doklatida, xitayda shexsler alghan qerzning  xelq'araliq ölchemlerdin köp derijide éship ketkenlikini tilgha alghan. Maliye fondi yene xitayning maliye sistémisining barghanséri qalaymiqanlishishqa qarap méngiwatqanliqini eskertip, "Bu qalaymiqanchiliq yéqin kelgüside yüz bergüsi maliye krizisige asas salmaqta," dégen.

Uning bayan qilishiche, yene bezi közetküchiler xitay hökümitining qerzge tayinip bolsimu döletning yilliq ishlepchiqirish qimmitini 6  pirsenttin töwen'ge chüshüp ketmeslikke kapaletlik qilidighanliqini, chünki xitay hökümiti üchün siyasiy xewplerning iqtisadiy xewpke qarighanda muhim orunda turidighanliqini bildürgen.

Awstraliyediki "Maliyeni közitish zhornili" bu heqtiki mulahiziside, xitay iqtisadshunas anni stéwénson yangni ziyaret qilghan. Anni yang sözide xitay iqtisadining qalaymiqanchiliqqa qarap mangidighanliqini éytip, "Qiziqarliqi, ikki yil awwal héchkim kirizistin éghiz achmayitti, emma hazir hemme kishi yüz bergüsi bir kirizistin söz qilmaqta," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.