Хитайниң йеқинқи 2 айлиқ иқтисади корона вируси сәвәблик җиддий йимирилишкә дуч кәлгән

Мухбиримиз әркин
2020-03-16
Share

Хитайниң бу йил 1 вә 2‏-айлардики иқтисади тәрәққияти вухәндә партлиған корона вируси сәвәблик җиддий йимирилишкә дуч кәлгән.

"җәнубий хитай сәһәр почтиси" гезитиниң хәвәр қилишичә, 1‏-вә 2‏-айларда хитай иқтисадиниң йимирилип, униң бу икки ай ичидики санаәт ишләпчиқириши, парчә сетиш вә мүлүккә мәбләғ селишниң һәммиси зор дәриҗидә төвәнлигән. Хәвәрдә, хитай дөләтлик статистика идарисиниң 16‏-март елан қилған санлиқ мәлумати нәқил кәлтүрүлүп, корона вирусиниң хитай иқтисадиға чәк қойғанлиқи дәлилләнгәнлики билдүрүлгән.

Хәвәрдә қәйт қилинишичә, хитайниң 1‏-вә 2‏-айдики санаәт ишләпчиқириши 5. 13 Пирсәнт, парчә сетиши 5. 20 Пирсәнт, мүлүккә селинған мәблиғи 5. 24 Пирсәнт төвәнлигән.

Хәвәрдә, анализчиларниң мөлчәри бойичә корона вирусиниң хитай иқтисадиға еғир тәсир қилғанлиқи тәкитләнгән. Хитай һөкүмити вирусниң үнүмлүк контрол қилинғанлиқини илгири сүрсиму, лекин көзәткүчиләр униң өткән йили 12‏-айда вухән шәһиридә партлиған корона вирусини хели мәзгил йошуруши вирусниң кәң көләмлик юқумға айлинип, өлкә-шәһәрләрниң қамал қилиниши, ишләпчиқиришниң тохтишиға сәвәб болғанлиқини илгири сүрмәктә.

"җәнубий хитай сәһәр почтиси" гезитиниң илгири сүрүшичә, хитайниң бу йил 1‏-пәсилдики иқтисади вәзийити униң март ейидики ипадисигә бағлиқ икән.

Хитай дөләтлик статистика идарисиниң баянатчиси мав шеңйоң: "биз пәқәт келәр айдила 1‏-пәсиллик ички ишләпчиқириш омумий қиммитиниң қандақ болидиғанлиқини биләләймиз" дегән. Униң илгири сүрүшичә, бу пәсиллик иқтисад "асаслиқи март ейиниң ипадисигә бағлиқ болуп, март ейи 1‏-пәсиллик иқтисадниң 40% ни игиләйдикән". Лекин бәзи көзәткүчиләр, хитайниң нурғун җайлирида ишләпчиқиришниң техи әслигә кәлмигәнлики, шуңа хитайниң уйғур әмгәк күчлирини кәң көләмлик йөткәватқанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт