Xitayning yéqinqi 2 ayliq iqtisadi korona wirusi seweblik jiddiy yimirilishke duch kelgen

Muxbirimiz erkin
2020-03-16
Share

Xitayning bu yil 1 we 2‏-aylardiki iqtisadi tereqqiyati wuxende partlighan korona wirusi seweblik jiddiy yimirilishke duch kelgen.

"Jenubiy xitay seher pochtisi" gézitining xewer qilishiche, 1‏-we 2‏-aylarda xitay iqtisadining yimirilip, uning bu ikki ay ichidiki sana'et ishlepchiqirishi, parche sétish we mülükke meblegh sélishning hemmisi zor derijide töwenligen. Xewerde, xitay döletlik statistika idarisining 16‏-mart élan qilghan sanliq melumati neqil keltürülüp, korona wirusining xitay iqtisadigha chek qoyghanliqi delillen'genliki bildürülgen.

Xewerde qeyt qilinishiche, xitayning 1‏-we 2‏-aydiki sana'et ishlepchiqirishi 5. 13 Pirsent, parche sétishi 5. 20 Pirsent, mülükke sélin'ghan meblighi 5. 24 Pirsent töwenligen.

Xewerde, analizchilarning mölcheri boyiche korona wirusining xitay iqtisadigha éghir tesir qilghanliqi tekitlen'gen. Xitay hökümiti wirusning ünümlük kontrol qilin'ghanliqini ilgiri sürsimu, lékin közetküchiler uning ötken yili 12‏-ayda wuxen shehiride partlighan korona wirusini xéli mezgil yoshurushi wirusning keng kölemlik yuqumgha aylinip, ölke-sheherlerning qamal qilinishi, ishlepchiqirishning toxtishigha seweb bolghanliqini ilgiri sürmekte.

"Jenubiy xitay seher pochtisi" gézitining ilgiri sürüshiche, xitayning bu yil 1‏-pesildiki iqtisadi weziyiti uning mart éyidiki ipadisige baghliq iken.

Xitay döletlik statistika idarisining bayanatchisi maw shéngyong: "Biz peqet kéler aydila 1‏-pesillik ichki ishlepchiqirish omumiy qimmitining qandaq bolidighanliqini bileleymiz" dégen. Uning ilgiri sürüshiche, bu pesillik iqtisad "Asasliqi mart éyining ipadisige baghliq bolup, mart éyi 1‏-pesillik iqtisadning 40% ni igileydiken". Lékin bezi közetküchiler, xitayning nurghun jaylirida ishlepchiqirishning téxi eslige kelmigenliki, shunga xitayning Uyghur emgek küchlirini keng kölemlik yötkewatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet