Xitayda ötküzülidighan it göshi féstiwaligha qarishi 11 milyun imza toplandi

Muxbirimiz jüme
2016.06.11


Xitayda yéqinda ötküzülidighan it göshi féstiwali bashlinishtin ikki hepte ilgiri bir qisim öktichiler imzaliq muraji'etname élan qilip, xitay hökümitini mezkur bayramni emeldin qaldurushqa dewet qilghan.

B b s ning xewer qilishiche, haywanatlargha insaniy mu'amile qilish teshkilati 11 milyon imza toplan'ghan muraji'etnamini xitayning londonda turushluq elchixanisigha tapshurghan.

Gu'angshi ju'ang aptonom rayonigha qarashliq yülin shehiride ötküzülidighan it gösh féstiwali 2010 - yilidin buyan yolgha qoyulghan bolup, u shundin kéyin dunyawi namayishlargha seweb bolup kelgen.

Bayram 21 - iyun bashlinidighan bolup, bu bayramda minglighan itlarning öltürülüp, bazargha sélinidighanliqi mölcherlen'gen.

Melum bolushiche, bu nöwetlik imza toplash herikitige bash shtabi amérikining paytexti washin'gtondiki haywanatlargha insaniy mu'amile qilish teshkilati we xitaydiki haywanat hoquqini qoghdash pa'aliyetchiliri yétekchilik qilghan.

Hetta 24 neper xitay pa'aliyetchi peyshenbe küni béyjing kochilirida “Men séning tamiqing emes” dégen xetler yézilghan plakatlarni kötürüshüp namayish qilghan.

Melum bolushiche, xitaydimu bu heqte bir ray sinash ötküzgen. “Nyu - york waqit géziti” ning xewer qilishiche, bu ray sinashni xitay penler akadémiyisidiki qanunshunas chang jiwén we uning ikki oqughuchisi birlikte élip barghan. Ray sinash netijisi xitayning merkiziy téléwiziye istansisi torbétige élan qilghan bolup, ray sinashqa qatnashqan 64 pirsent kishi mezkur féstiwalni emeldin qaldurushni qollighan.

Melum bolushiche, bu féstiwalgha diqqet qilip kéliwatqan kishiler, köpligen döletlerde ermek haywan hésablinidighan itlarning xitayda tamaq qatarida öltürülüshi we féstiwalidin burunqi teyyarliq jeryanida itlarning xorlinishini bolmighur qiliq, dep qaraydiken.

Mezkur féstiwal ötken yilimu xelq'araliq namayishlargha duch kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.