Хитайниң италийидики әлчиханиси ишикигиму «чеқилиду» дегән хәт йезилди

Хәлқарадики аммиви тор бекити фейсбокта 12 - авғуст күни йүзигә ниқап тақиған бирәйләнниң хитайниң италийидики әлчиханиси дәрвазиси алдида турғанлиқи, униң йенидики «җуңгониң италийидики әлчиханиси» дегән хәт йезилған тахта астиға чоң қизил хәт билән «чеқилиду» дегән хәт йезилған рәсим тарқалғандин кейин тордашлар арисида инкас қозғиди.

Бу һәқтә инкас язған тордашлар ниқап тақиған бу кишиниң җасаритигә апирин оқуп, бу һәрикәт хитайда барғанчә еғирлишиватқан кишилик һоқуқ дәпсәндичиликигә қилинған наразилиқ дәп тәрипләшкән. Мәлум болушичә, бу йил 7 - айдин буян хитайниң чәтәлләрдики әлчиханилири дәрвазисиға «чеқилиду» дегән хәт йезилидиған әһваллар бирқанчә қетим йүз бәргән болуп, 11 - июл күни әтигән хитайниң америка пайтәхти вашингтондики әлчиханисиниң дәрвазисиға, 18 - июл күни хитайниң канададики әлчиханиси дәрвазисиғиму «чеқилиду» дегән хәт йезип қоюлған иди.

Әйни чағда франсийә агентлиқи бу һәқтә бәргән хәвиридә бу һәрикәтләрни «қуш һәрикити» дәйдиған демократ хитай тәшкилатиниң пиланлиғанлиқини илгири сүрүп, уларниң бундақ қилиш арқилиқ хәлқара җамаәтниң диққитини хитайдики кишилик һоқуқ дәпсәндичилик қилмишлири вә өйлири мәҗбурий чеқиливатқан әрздарлар мәсилисигә қаритишни мәқсәт қилғанлиқини билдүргән иди.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар