Xitayning italiyidiki elchixanisi ishikigimu "Chéqilidu" dégen xet yézildi


2013-08-13
Share

Xelq'aradiki ammiwi tor békiti féysbokta 12 - awghust küni yüzige niqap taqighan bireylenning xitayning italiyidiki elchixanisi derwazisi aldida turghanliqi, uning yénidiki "Junggoning italiyidiki elchixanisi" dégen xet yézilghan taxta astigha chong qizil xet bilen "Chéqilidu" dégen xet yézilghan resim tarqalghandin kéyin tordashlar arisida inkas qozghidi.

Bu heqte inkas yazghan tordashlar niqap taqighan bu kishining jasaritige apirin oqup, bu heriket xitayda barghanche éghirlishiwatqan kishilik hoquq depsendichilikige qilin'ghan naraziliq dep teripleshken. Melum bolushiche, bu yil 7 - aydin buyan xitayning chet'ellerdiki elchixaniliri derwazisigha "Chéqilidu" dégen xet yézilidighan ehwallar birqanche qétim yüz bergen bolup, 11 - iyul küni etigen xitayning amérika paytexti washin'gtondiki elchixanisining derwazisigha, 18 - iyul küni xitayning kanadadiki elchixanisi derwazisighimu "Chéqilidu" dégen xet yézip qoyulghan idi.

Eyni chaghda fransiye agéntliqi bu heqte bergen xewiride bu heriketlerni "Qush herikiti" deydighan démokrat xitay teshkilatining pilanlighanliqini ilgiri sürüp, ularning bundaq qilish arqiliq xelq'ara jama'etning diqqitini xitaydiki kishilik hoquq depsendichilik qilmishliri we öyliri mejburiy chéqiliwatqan erzdarlar mesilisige qaritishni meqset qilghanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet