Хитай җасуслири афғанистанда қолға елинди

Мухбиримиз әзиз
2020-12-28
Share

"һиндистан вақти" гезитиниң 25-декабирдики хәвиридә ейтилишичә, афғанистанда қолға елинған җасуслар пүтүнләй хитай җамаәт хәвпсизлики (җ х) министирликиниң кадирлири болуп, улардин ша хуң исимлик бирәйлән кабул шәһридә рестуран ечиватқан икән. Афғанистан сақчилири уларниң терорлуқ тәшкилати болған "һәққаний гуруһи" билән алақидә болуватқанлиқини елан қилған.

Мәзкур хәвәрдә ейтилишичә, бу хитай җасуслири афғанистанға содигәр қияпитидә йошурунған һәмдә талибанлар билән алақида болған уйғурларға даир учурларни топлиған. Шуниң билән бир вақитта улар йәнә "мәвҗут әмәс" дәп қариливатқан "шәрқий түркистан ислам һәркити" партийәсиниң "мәвҗут" икәнликини испатлаш үчүн шуларниң намида паалийәт қилмақчи болған. Афғанистан сақчи даирилири "хитай һөкүмити навада өзлириниң бу қилмиши үчүн биздин рәсмий әпу сориса бу кишиләрни хитайға қайтуриветишимиз мумкин. Болмиса улар афғанистан қануни бойичә бир яқлиқ қилиниду" дегән.

Хәвәрдә ейтилшичә, нөвәттә хитай һөкүмити бу ишни давраң қилмайла йиғиштуриветишкә алдиримақта икән. Буниңдин илгирирәк болса хитай һөкүмитиниң аллиқачан икки милйондин артуқ компартийә әзалирини дуняниң һәрқайси җайлириға "миқ" қилип қеқип болғанлиқи ашкара болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт