Xitay jasusliri afghanistanda qolgha élindi

Muxbirimiz eziz
2020-12-28
Share

"Hindistan waqti" gézitining 25-dékabirdiki xewiride éytilishiche, afghanistanda qolgha élin'ghan jasuslar pütünley xitay jama'et xewpsizliki (j x) ministirlikining kadirliri bolup, ulardin sha xung isimlik bireylen kabul shehride résturan échiwatqan iken. Afghanistan saqchiliri ularning térorluq teshkilati bolghan "Heqqaniy guruhi" bilen alaqide boluwatqanliqini élan qilghan.

Mezkur xewerde éytilishiche, bu xitay jasusliri afghanistan'gha sodiger qiyapitide yoshurun'ghan hemde talibanlar bilen alaqida bolghan Uyghurlargha da'ir uchurlarni toplighan. Shuning bilen bir waqitta ular yene "Mewjut emes" dep qariliwatqan "Sherqiy türkistan islam herkiti" partiyesining "Mewjut" ikenlikini ispatlash üchün shularning namida pa'aliyet qilmaqchi bolghan. Afghanistan saqchi da'iriliri "Xitay hökümiti nawada özlirining bu qilmishi üchün bizdin resmiy epu sorisa bu kishilerni xitaygha qayturiwétishimiz mumkin. Bolmisa ular afghanistan qanuni boyiche bir yaqliq qilinidu" dégen.

Xewerde éytilshiche, nöwette xitay hökümiti bu ishni dawrang qilmayla yighishturiwétishke aldirimaqta iken. Buningdin ilgirirek bolsa xitay hökümitining alliqachan ikki milyondin artuq kompartiye ezalirini dunyaning herqaysi jaylirigha "Miq" qilip qéqip bolghanliqi ashkara bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet