Хитай даирилири чәт әл ахбаратлириға йәнә бир қетим "җаваб" бәрди

Мухбиримиз әзиз
2020-12-28
Share

Хитай ташқий ишлар министирлиқиниң баянатчиси җав лиҗйән 28-декабир күни өткүзүлгән мухбирларни күтүвелиш йиғинида "бир милйондин артуқ уйғур лагерға қамалди, дегән хәвәр пүтүнләй иғва. Шундақла әсир һалқиған ялғанчилиқ," деди. Шуниң билән биргә буниң америка ташқий ишлар министирлиқидики бир қисим "дүшмән күчләр" ниң тоқуп чиққан бөһтанлири икәнликини, американиң бейҗиңдики баш әлчиханисиниң мушу хил "ялған учур" ларни көпләп тарқитиватқанлиқини тәкитлиди. У мухбирларға соал қоюп: "силәр немишқа бизниң бу һәқтики доклатлиримизни оқумайсиләр?" дәп соал қойди.

Хитайниң "йәр шари вақит гезити" му 28-декабир күни баш мақалә елан қилип "америкадики дүшмән күчләрниң ‹500 миң уйғур қолда пахта териш әмгикигә қатнаштурулған' дегән хәвири пүтүнләй ялған" деди. Шуниңдәк биңтуәнләрдә машина арқилиқ пахта теришниң омумлишип болғанлиқини, BBC агентлиқи мухбирлириниң "сақчилар вә хитай әмәлдарлири бизниң сүрәткә елишимизға тосқунлуқ қилди" дегән баянлириниң ялғанлиқини "паш қилған". Шу қатарда берилгән "мәҗбурий әмгәк" һәққидики баянларниму пүтүнләй ялғанға чиқирип "әнглийә мухбирлири ейтқан әһвал мәвҗут әмәс. Бу ‍уйғур яшлириниң һәммиси ‹тәрбийәләш' тин кейин өзлүкидин әмгәк қилишни тәләп қилғанлар," деди.

Муһаҗирәттики анализчилар хитай һөкүмитиниң бу баянлирини кәскин тәнқидләп: "хитай һелиһәм милйонларчә уйғурниң лагерға қамалғанлиқини инкар қилип кәлмәктә. Мана бу һәқиқи ялғанчилиқ," деди. Йәнә бәзиләр болса қолда пахта теришқа даир шунчә көп син һөҗҗәтлириниң тарқилип йүргәнликини мисал қилип "хитай һөкүмити һәрқачан тағдәк пакитларниму инкар қилишқа адәтләнгән," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт