Dawid alton en'gliye hökümitining xitayning kishilik hoquq xatirisidiki pozitsiyesini tenqid qilghan

Washin'gtondin muxbirimiz irade teyyarlidi
2024.11.21

En'gliyediki bir qisim parlamént ezaliri en'gliye hökümitining xongkongluq kishilik hoquq aktiplirining aqiwitige köngül bölmigenlikini eyibligen hemde yene en'gliye hökümitining Uyghurlargha qaritiliwatqan irqiy qirghinchiliqi heqqidiki pozitsiyesige so'al qoyghan.

En'gliye parlaméntining ezasi dawid alton (David Alton) 20-noyabir en'gliye parlaméntidiki yighinda qilghan sözide, en'gliye hökümitining xitayning 7 neper en'gliye parlamént ezasigha qoyghan jaza tedbirini bikar qilish bedilige en'gliyening Uyghur qirghinchiliqi bilen shughullan'ghanliqi sewebidin xitay emeldarlirigha qoyghan jaza tedbirini bikar qilishni oylishiwatqanliqi heqqide xewer chiqqanliqini tilgha alghan. U, parlaménttiki hökümet wekilidin bu xewerning toghra yaki yalghanliqini sorighan. U sözide “Irqiy qirghinchiliq bilen shughullan'ghan emeldarlargha qoyulghan jazani bikar qilish bedilige en'gliyelik parlamént ezalirining jazasini bikar qilish exlaqiy jehettin qet'iy xata bir heriket we biz buni qet'iy qobul qilmaymiz” dégen.

Dawid alton yene, en'gliye hökümitining xongkongluq démokratiye pa'aliyetchilirining ehwaligha köngül bölmigenlikini, xitay hökümiti en'gliye puqrasi bolghan jimmiy leyni öz ichige alghan jem'iy 45 neper xongkongluq pa'aliyetchige jaza hökmi élan qilghan küni en'gliye tashqi ishlar ministirliqining bu heqte bir resmiy bayanat élan qilmighanliqini tenqid qilghan.

En'gliyening emgekchi partiyesining hakimiyet béshigha kélishi bilen, en'gliye bash weziri bolup saylan'ghan kiyir starmir (Keir Starmer) ning yéqindin buyan xitay bilen bolghan iqtisadiy we siyasiy alaqini zor kölemde eslige keltürüshni meqset qilghan siyasetlerni qanat yaydurushi küchlük diqqet qozghimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.