Хитай һөкүмити юқири тәминат билән хитай күчмәнлирини уйғур райониға орунлаштурмақта

Мухбиримиз әркин
2018-06-08
Share

Хитай һөкүмитиниң хитай көчмән деһқанлирини уйғур райониға терилғу йәр, туралғу өй, иҗтимаий саламәтлик суғуртиси, маарип қатарлиқ җәһәтләрдә зор имтиязларни берип йөткәватқанлиқи ашкариланди.

Хитай сина торида елан қилинған бир рәсимлик хәвәрдә баян қилинишичә, хитайниң уйғур районидики «шинҗаң ишләпчиқириш-қурулуш биңтуәни» 2017‏-йили 2‏-айдин башлап униң һәр қайси дивизийә, полклириға ичкиридин хитай деһқанлирини қобул қилиш программисини йолға қойған.

Мәзкур программа нишанлиқ һалда гәнсуниң намрат районлиридики хитай деһқанлирини йөткәшкә қаритилған болуп, хитай деһқанлириниң уйғур райониға «пиланлиқ, тәшкиллик вә көләмлик йөткәп ишқа орунлаштуруливатқанлиқи» билдүрүлгән.

Һалбуки мәзкур программа хитай һөкүмитиниң уйғур яшлирини «йеза ешинча әмгәк күчи» дегән намда ичкири өлкиләргә йөткәп «ишқа орунлаштуриватқан» мәзгилдә йолға қоюлған. Хитайниң уйғур яшлирини «йөткәп ишқа орунлаштуруш» программиси уйғур кишилик һоқуқ тәшкилатлириниң тәнқидигә учриған. Улар хитай аһалилирини уйғур райониға көчүрүп, уйғурларни ичкиригә йөткәшниң ғәрәзлик сиясий пилан икәнлики, униң уйғурларни ассимилятсийә қилишни мәқсәт қилғанлиқини илгири сүрүп кәлди.

Сина ториниң хәвиридә бу йил 8‏-април күни уйғур райониниң тумшуқ шәһиридики биңтуән 50‏-полкиға келип орунлашқан бир хитай деһқан аилисиниң һәқсиз 70 мө терилғу йәр, йеңи селинған қоро- җайға еришкәнлики, униңға йәнә зөрүр аилә җаһазлири вә турмуш буюмлириниң һәқсиз толуқлап берилгәнлики илгири сүрүлгән.

Хитай деһқанлириға берилгән терилғу йәрниң йеңи ечилған боз йәрлики яки йәрликниң терилғу земини икәнлики мәлум әмәс. Даириләр йеқинда уйғур райониниң җәнубида терилғу йәрләрни қайта ениқлап, бир қанчә милйон модин артуқ терилғу йәрни айтуриватлғанлиқини елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.