"ғәрбий қисимға ярдәм бериш" намидики хитай көчмәнлири үрүмчигә кәлгән

Мухбиримиз әзиз
2020-09-15
Share

Хитай һөкүмитиниң "ғәрбкә ярдәм бериш пидаийлири" дәп аталған зор түркүмдики көчмәнләр қошуни 13-сентәбир күни үрүмчигә йетип кәлгән һәмдә бу җайдин һәрқайси вилайәт вә наһийәләргә тәқсимләнгән.

"хитай хәвәрлири" ториниң 14-сентәбирдики хәвиридә ейтилишичә, хитай өлкилиридин йиғилған алтә миңға йеқин оқуғучи "шинҗаңға ярдәм бериш" намида һәрқайси җайларға берип маарип, теббий саһә, асасий қатлам рәһбәрлик гурупписи қатарлиқ орунларға ишқа чүшидикән. Хәвәрдә бу оқуғчиларниң "мәркәз түри" вә "йәрлик түр" дегән икки түр бойичә топланғанлиқини, булардин 60 персәнтиниң "мәркәз түри" бойичә топланған оқуғучилар икәнлики ейтилған.

Мәлум болушичә, бу хилдики "оқуғучи йөткәш арқилиқ шинҗаңға ярдәм бериш" паалийити 2003-йилидин етибарән давам қиливатқан болуп, һазирғичә 24 миңдин артуқ хитай оқуғучи мушу шәкилдә ишқа орунлаштурулған икән. Америкадики мустәқил көзәткүчи елшат һәсән бу тоғрисида пикир қилип: "нопус йөткәш һәрқандақ мустәмликичи һакимийәт биринчи болуп иҗра қилидиған тәдбирләрдур. Бу хилдики ичкиридә ишсиз қалған яримас оқуғучиларни шәрқий түркистанға юқири мааш билән тәклип қилип ишқа елиш йәнә бир яқтин шәрқий түркистан тәвәсидин қечип кетиватқан хитай кадирлириниң орнини толдурушниму мәқсәт қилиду," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт