Хитай тәрәп хәлқара тәнқидләргә қайтурма зәрбә беришни күчәйтмәктикән

Мухбиримиз җәвлан
2021-04-09
Share

Хитайниң қилмиш-әтмишлири җаһанға ашкарә болуп, қабаһәтниң вәкили сүпитидә әйиблиниватқан бу күнләрдә хитай тәшвиқат васитилири өзини ақлап, хәлқараниң тәнқидлиригә қайтурма зәрбә беришни үзлүксиз давамлаштурмақтикән.

"җәнубий хитай сәһәр почитииси" гезити 9-апрел елан қилған бир хәвәрдә ейтилишичә, бир хитай әмәлдари австаралийәниң кәнберра шәһиридики бир тәтқиқат оргини бекитип чиққан йеңи лагерларға аит 90 пирсәнт учурни хатаға чиқарған; уйғур аптоном районлуқ һөкүмәтниң баянатчиси шүй гуйшяң бейҗиңда өткүзүлгән ахбарат елан қилиш йиғинида "лагер дейилгән 380 бина ичидә 343 бинаниң мәктәп, һөкүмәт бинаси, дохтурхана, аилә қоруси вә сода дуканлири икәнлики" ни ейтқан һәмдә бу биналарға аит санлиқ мәлуматларни "американиң ярдимини алған хитайға қарши күчләрниң ойдуруп чиқарғанлиқи" ни билдүргән. Әмма у қалған 37 бинаниң қандақ бина икәнликини ейтмиған.

Шү гуйшяң йәнә шинҗаң санлиқ мәлумат қурулушиниң 3 санлиқ мәлумат амбиридин тәшкил тапқанлиқини, қалған икки санлиқ мәлумат амбириниң бириниң уйғур районида зиянкәшликкә учриғучилар учур амбири вә уйғур вақитлиқ әдлийә амбири икәнликини ейтқан һәмдә бу санлиқ мәлумат амбарлирини хитайға қарши тәшкилатларниң бәрпа қилғанлиқини, буларға америка қатарлиқ ғәрб дөләтлириниң иқтисадий ярдәм бәргәнликини билдүргән.

Анализчиләрниң қаришичә, хитайниң бу үч санлиқ мәлумат амбирини алаһидә тилға елип, униңға ярдәм бәргән дөләтләрниму әйблиши хитайниң бу җинайәт пакитлириниң һаман бир күни ашкарилинип, өз җинайәтлири үчүн полаттәк дәлил болуп қелишидин әнсирәйдиғанлиқини ипадиләйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт