Ройтерс агентлиқи хитайниң "йеңи шинҗаң" вә "вәтәнпәрвәрлик саяһәтчилики" ниң маһийитини ашкарилиди

Мухбиримиз әркин
2021-06-18
Share

Ройтерс агентлиқи йеқинда уйғур елиниң ‍үрүмчи, қәшқәр, хотән қатарлиқ шәһәрлиридә елип барған зиярити һәққидә хәвәр берип уйғурларниң һазирқи вәзийити, хитайниң "йеңи шинҗаң" қурулуши вә "вәтәнпәрвәрлик саяһәтчилики" ниң арқисидики реаллиқни ашкарилиған.

Ройтерсниң билдүрүшичә, хитайниң мәқсити бир милйондин артуқ уйғур "қайта-тәрбийәләш мәркәзлири" гә қамалған бу районни "вәтәнпәрвәр, көп етник милләтлик, диндин хали, хитайчә сөзләйдиған район қилип қуруп чиқип, хитай саяһәтчилирини бу районға җәлп қилиш ‍икән.

Хәвәрдә, хитай һөкүмити мухбирларни шинҗаңда әркин сәпәр қилалайду, десиму, бирақ пуқрачә кийингән сақчи вә пайлақчиларниң мухбирларни кечә-күндүз назарәт қилғанлиқи, мухбирлар қәшқәр шәһиридә чүшкән меһманханидин айрилип, бир саәт ичидә чиқиш ишикигә тикәнлик сим тартилғанлиқи, оттин қечиш ишикиниң қулупланғанлиқи билдүрүлгән. Хәвәрдә ейтилишичә, уйғур елиниң җәнубидики бирқисим йеңи мәнзирәгаһлар бейҗиңниң "ашқунлуққа қарши туруш" үчүн салған лагер вә түрмиләрдин азрақла йирақ ‍икән.

Хәвәрдә, тәшвиқат тахтилириниң һәммә йәрдә көзгә челиқидиғанлиқи, райондики саяһәтчиликниң асасән ички саяһәтчиләрни нишан қилғанлиқи билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт