Roytérs agéntliqi xitayning "Yéngi shinjang" we "Wetenperwerlik sayahetchiliki" ning mahiyitini ashkarilidi

Muxbirimiz erkin
2021-06-18
Share

Roytérs agéntliqi yéqinda Uyghur élining ‍ürümchi, qeshqer, xoten qatarliq sheherliride élip barghan ziyariti heqqide xewer bérip Uyghurlarning hazirqi weziyiti, xitayning "Yéngi shinjang" qurulushi we "Wetenperwerlik sayahetchiliki" ning arqisidiki ré'alliqni ashkarilighan.

Roytérsning bildürüshiche, xitayning meqsiti bir milyondin artuq Uyghur "Qayta-terbiyelesh merkezliri" ge qamalghan bu rayonni "Wetenperwer, köp étnik milletlik, dindin xali, xitayche sözleydighan rayon qilip qurup chiqip, xitay sayahetchilirini bu rayon'gha jelp qilish ‍iken.

Xewerde, xitay hökümiti muxbirlarni shinjangda erkin seper qilalaydu, désimu, biraq puqrache kiyin'gen saqchi we paylaqchilarning muxbirlarni kéche-kündüz nazaret qilghanliqi, muxbirlar qeshqer shehiride chüshken méhmanxanidin ayrilip, bir sa'et ichide chiqish ishikige tikenlik sim tartilghanliqi, ottin qéchish ishikining quluplan'ghanliqi bildürülgen. Xewerde éytilishiche, Uyghur élining jenubidiki birqisim yéngi menziregahlar béyjingning "Ashqunluqqa qarshi turush" üchün salghan lagér we türmilerdin azraqla yiraq ‍iken.

Xewerde, teshwiqat taxtilirining hemme yerde közge chéliqidighanliqi, rayondiki sayahetchilikning asasen ichki sayahetchilerni nishan qilghanliqi bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet