Amérika kéngesh palata ezasi katton xitayning "Sodidiki étibarliq dölet" lik ornini bikar qilish heqqide qanun layihesi sunidighanliqini élan qildi

Muxbirimiz erkin
2020-09-14
Élxet
Pikir
Share
Print

Amérika jumhuriyetchiler partiyesidin bolghan kéngesh palata ezasi tam katton 14-sénterbir xitayning "Sodidiki eng étibarliq dölet" lik ornini bikar qilish üchün qanun layihesi sunidighanliqini élan qilghan.

"Döletlik teqriz" zhurnilining xewer qilishiche, tam katton özining bu pilanini foks téléwiziye qanilining ziyaritini qobul qilghanda élan qilghan. U amérika démokratlar prézidént namzati jo baydénning öz waqtida xitaygha "Sodidiki eng étibarliq dölet" lik orni bérishni qollighanliqi, özining bu hepte ichide qanun layihesi sunup, buninggha xatime béridighanliqini bildürgen.

Tam kattonning tekitlishiche, uning yéngi qanunigha asasen "Eger xitay gherbiy tinch okyanda amérika paraxotlirighas qaritip bashqurulidighan bomba atsa yaki bu yil qilghandek xongkongda basturush élip barsa, uning her yili sodidiki étibarliq döletlik orni qayta yéngilanmaydiken." amérika dölet mejlisi 2000-yili xitaygha "Sodida menggülük étibar bérilidighan dölet" lik orni bérip, uning dunya soda teshkilatigha kirishining yolini achqan idi.

Tam katton 14-séntebir tiwéttirgha uchur yollap, jo baydénning 20 yil awwal xitaygha alahide soda salahiyiti bérishni qollap, amérikada ish orunlirining aziyishini keltürüp chiqarghanliqi, özining bu hepte sunidighan qanun layihesi bu ehwalgha xatime béridighanliqini bildürgen. Lékin "Döletlik teqriz" zhurnilining tekitlishiche, jo baydén ötken hepte CNN ning ziyaritini qobul qilghanda bu heqtiki tenqidlerni ret qilghan.

Toluq bet