Sénator rik skot: "Xitay teripidin aldanmayli"

Muxbirimiz jewlan
2020-12-02
Share

"Oyunlarning ichide" (Inside the games) torining yéqinda xewer qilishiche, kishilik hoquqni közitish teshkilati xelq'ara olimpék komitétini bezi mesililerni hel qilishtin awwal xitayda olimpék musabiqisini ötküzmeslikke chaqirghan.

Kishilik hoquqni közitish teshkilati xelq'ara olimpék komitétini agahlandurup mundaq dégen: "Xitay hazir tyen'enmén weqesi yüz bergen waqittikidek éghir derijide puqralirini basturush weziyitide turuwatidu. Bu ehwalda xitayning yene olimpék musabiqisini ötküzüsh hoquqini qolgha keltürüshi olimpék qa'idisini astin-üstün qilghanliqtur. Xitay yighiwélish lagérlirigha qamalghan milyonlighan Uyghur musulmanlirini qoyup bermigiche, 2032-yilliq olimpék musabiqisini ötküzüshke iltimas qilishqa yol qoyulmasliqi kérek".

Xewerde éytilishiche, xitay 2032-yilliq xelq'ara olimpék musabiqisini chéngdu bilen chungching shehride ötküzüsh toghruluq muzakire élip bériwétiptu. Bu teklip aldinqi hepte xitayning bir hökümet höjjitide élan qilin'ghan.

Kishilik hoquqni közitish teshkilatining mes'uli minki wordin (Minky Worden) xelq'ara olimpék komitétining yighilishida, xitayda éghir derijide insaniyetke qarshi jinayet barliqini éytqan we zor kölemlik yighiwélish lagérlirigha solan'ghan Uyghurlarni misal keltürüp, bu mesililer hel bolmghiche u yerde olimpék musabiqisi ötküzüshni oylashmasliqqa chaqirghan.

Buningdin ilgiri köpligen kishilik hoquq teshkilatliri we Uyghur teshkilatliri birliship xelq'ara olimpék komitétini 2022-yilliq qishlik olimpék musabiqisini ötküzüshni emeldin qaldurushqa chaqiriq qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet