Gordon chang Uyghurlarning nöwettiki weziyitini "Esheddiy xitay milletchiliki" bilen baghlap mulahize qildi

Muxbirimiz irade
2019-04-04
Share

Bügün amérikidiki "Géytston xelq'ara siyaset tetqiqat orgini" tor bétide xitay hökümitining Uyghurlargha yürgüzüwatqan irqchiliq siyasetliri heqqide bir maqale élan qilindi. Maqale aptori tonulghan xitay ishliri tetqiqatchisi gordon chang bolup, u maqaliside shi jiniping hakimiyiti yürgüzüwatqan siyasetlerning arqa körünüshini mulahize qilip ötken.

U xitay hökümitining hazir bir milyondin oshuq Uyghur we qazaq qatarliq yerlik milletlerni peqet xitaygha tüptin oxshimaydighan perqliq millet bolghanliqi üchünla lagérlargha solawatqanliqini, ularning balilirini yighiwélip öz ana tili we medeniyitidin mehrum qilish arqiliq xitaylashturushqa urunuwatqanliqi, xitaydiki oxshimighan dinlargha hujum qiliwatqanliqidek ehwallarni misal körsitish arqiliq pütün bu siyasetlerning tégide yatqan sewebning "Irqchiliq", yeni esheddiy xitay milletchiliki ikenlikini tekitligen.

U xitayning tarixi riwayetliridin misal keltürüp, xitayda xitay millitini dunyadiki hemme millettin üstün köridighan bir qarashning barliqini, mekteplerdimu mushu xil idiyening balilargha singdürülidighanliqini, shunga xitaylarning özini dunyadiki hemme millettin üstün dep qaraydighan xahishning éghirliqini bayan qilghan.

Aptorning qarishiche, shi jinpingning hakimiyetke kélishi bilen xitaydiki irqchiliq alametliri özini éniq namayan qilghan. U adolf gétlir dewrini eslitidighan lagér, irqchiliq, bir milletni qaytidin shekillendürüshke urunush we dunyani kontrol astigha élishtin ibaret bu términlarning shi jinping hökümranliqi astidiki xitayda qayta tirilgenlikini bildürgen we buning intayin xeterlik ikenlikini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet