Imrul islam: "Xitay milletchiliki Uyghurlarni weyran qilish bedilige yükselmekte!"

Muxbirimiz eziz
2019-05-07
Élxet
Pikir
Share
Print

Uyghurlar diyaridiki siyasiy basturush we zor tutqun xelq'ara axbarat wasitiliride köp qétim tilgha éliniwatqan bolsimu, buningda xitay milletchiliki idiyesining qandaq rol oynawatqanliqi köpinche halda kishilerning diqqitidin xaliy qéliwatqanliqi melum. Jorj tawn uniwérsitétining mutexessisliridin imrul islam bu heqtiki ehwallarni omumlashturup, xitaydiki milletchilik idiyesining emeliyette Uyghurlarni weyran qilish bedilige bash kötürüwatqanliqini alahide tekitleydu.

3-May küni jorj tawn uniwérsitéti qarmiqidiki "Köwrük qurulushi" ning tor bétide élan qilin'ghan bu heqtiki maqalida xitay milletchiliki we uning Uyghur jem'iyitige qandaq selbiy tesir élip kélishi "Milletchilikning burmilinishi" dep körsitilidu.

Aptorning qarishiche, milletchilik idiyesi adette birer dölet bir zor tehditke duch kelgende bu tehditni düshmenlik derijisige kötürüsh arqiliq ipadilinidu. Bügünki dunyada birmagha oxshash bir qisim döletler islam dinini özliri üchün zor tehdit, dep qarighanliqtin ularning buninggha qarshi bolghan milletchilik idiyesi bash kötürgen. Xitayda bolsa islam dini xitay hökümitining "Xitaylashturush" qurulushigha tosqunluq qilghuchi amil bolghanliqtin, milletchilikning hujum nishani bolup qalghan.

Maqalida körsitilishiche, 1990-yillarda Uyghurlar xitaylarni merkez qilish idiyesige xiris qilghuchilar süpitide basturulghan bolsa, 2000-yillardin kéyin xelq'aradiki "Térrorluqqa qarshi turush" dolqunida yene bir qétim qattiq basturulghan. 2016-Yilidin kéyin bolsa "Islam wehimisi" ni menbe qilghan xitay milletchiliki Uyghurlardiki islam dinigha hujum bashlighan hemde hazirqidek üch milyon Uyghurning lagérlargha bend bolushigha seweb bolghan.

Toluq bet