Үрүмчи 1‏-түрмидики хитай өктичи җаң хәйтавниң аяли ериниң түрмидә хорлашқа учриғанлиқини инкас қилди

Мухбиримиз әркин
2016-07-15
Share

Үрүмчидә сотлинип 19 йиллиқ қамақ җазасиға һөкүм қилинған хитай өктичи җаң хәйтавниң аяли үрүмчи 1‏-түрмидики ериниң түрмидә хорлашқа учриғанлиқини билдүргән.

Җаң хәйтавниң аялиниң чәтәлдики хитай таратқулириға инкас қилишичә, түрмә даирилири униңға башқа мәһбуслар билән охшаш муамилә қилмиған. 6 Айдин бери униң путидики ишкәлни еливәтмигән. Бу йил 3‏-айниң буян уни шамалдашқа чиқармиған. Камирдашлириға тамақ тарқитип, униңға бәрмигән.

Җаң хәйтав бурун хитай һөкүмитиниң уйғур сияситини тәнқидләп мақалә йезип, чәтәлдики хитай өктичи тор бәтлиридә елан қилған иди. У 2015‏-йили 6‏-айда "миллий өчмәнликкә қутратқулуқ қилиш" билән әйибләп тутқун қилинған.

Әмма бу йил 1‏-айда "һакимийәтни ағдурушқа урунуш", "чәтәлгә истихбарат йәткүзүш" билән әйиблинип сотланған вә 19 йиллиқ қамақ җазасиға һөкүм қилинған. Лекин җаң хәйтав һөкүмгә наразилиқ билдүрүп, уйғур аптоном районлуқ юқири сотқа әрз қилған.

Җаң хәйтавниң аялиниң билдүрүшичә, юқири сотниң җаңниң әрзини көрүп чиқиш вақти 19‏-июн тошқан болсиму, әмма юқири сот униңға һазирға қәдәр һечқандақ җаваб бәрмигән.

Җаңниң аяли йеқинда юқири сотниң бу делоға мәсул сотчиси билән алақиләшкән болсиму, әмма сотчи делониң бәзидә кечиктүрүлидиғанлиқини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт