Ürümchi 1‏-türmidiki xitay öktichi jang xeytawning ayali érining türmide xorlashqa uchrighanliqini inkas qildi

Muxbirimiz erkin
2016-07-15
Share

Ürümchide sotlinip 19 yilliq qamaq jazasigha höküm qilin'ghan xitay öktichi jang xeytawning ayali ürümchi 1‏-türmidiki érining türmide xorlashqa uchrighanliqini bildürgen.

Jang xeytawning ayalining chet'eldiki xitay taratqulirigha inkas qilishiche, türme da'iriliri uninggha bashqa mehbuslar bilen oxshash mu'amile qilmighan. 6 Aydin béri uning putidiki ishkelni éliwetmigen. Bu yil 3‏-ayning buyan uni shamaldashqa chiqarmighan. Kamirdashlirigha tamaq tarqitip, uninggha bermigen.

Jang xeytaw burun xitay hökümitining Uyghur siyasitini tenqidlep maqale yézip, chet'eldiki xitay öktichi tor betliride élan qilghan idi. U 2015‏-yili 6‏-ayda “Milliy öchmenlikke qutratquluq qilish” bilen eyiblep tutqun qilin'ghan.

Emma bu yil 1‏-ayda “Hakimiyetni aghdurushqa urunush”, “Chet'elge istixbarat yetküzüsh” bilen eyiblinip sotlan'ghan we 19 yilliq qamaq jazasigha höküm qilin'ghan. Lékin jang xeytaw hökümge naraziliq bildürüp, Uyghur aptonom rayonluq yuqiri sotqa erz qilghan.

Jang xeytawning ayalining bildürüshiche, yuqiri sotning jangning erzini körüp chiqish waqti 19‏-iyun toshqan bolsimu, emma yuqiri sot uninggha hazirgha qeder héchqandaq jawab bermigen.

Jangning ayali yéqinda yuqiri sotning bu délogha mes'ul sotchisi bilen alaqileshken bolsimu, emma sotchi déloning bezide kéchiktürülidighanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet