Олимпик хитайда "хәтәрлик хән үстүнлүкиниң намайәндиси" гә айланған

Мухбиримиз әркин
2021-08-06
Share

Канадалиқ журналист вә обзорчи җин майкел кол канададики нопузлуқ тәтқиқат орунлириниң бири болған "мак-доналд лаврер институти" ниң торида мақалә елан қилип, олимпик мусабиқисиниң хитайда "хән миллити үстүнлүкиниң хәтәрлик намайәндисигә айланғанлиқи" ни илгири сүргән. Майкел колниң ейтишичә, сабиқ совет иттипақи йимирилип, коммунизм өзиниң җәлб қилиш күчини йоқатқандин кейин, хитай компартийәси өзиниң қанунйлиқини сақлап қелиш үчүн милләтчиликни тәрғиб қилишқа башлиған.

Майкел кол "олимпик хитайда хәтәрлик хән үстүнлүкиниң намайәндисигә айланди" мавзулуқ мақалисидә, ши җинпиң тәхткә чиққандин кейин хитай милләтчиликиниң йеңи бир йолға киргәнлики, бу униң қутритишида чоңқур йилтиз тартқан бир гуманхорлуққа айланғанлиқини билдүргән. Униң ейтишичә, "хән үстүнлүки билән бирләшкән радикал хитай милләтчиликиниң контролдин чиқип кәткәнлики вә хитайниң сиясәт бәлгилишигә тәсир көрситидиған амилға айланғанлиқиға аит әндишә қиларлиқ бешарәтләр бар" икән.

Майкел кол, буниң ипадилирини хенәндә йүз бәргән су апити, токйода ‍өткүзүлүватқан олимпик мусабиқилиридин көрүш мумкинлики, хитай тәнтәрбийәчилириниң пәйтоп мусабиқисидә тәйвән маһирлириға уттуруп қоюшини бир һақарәт, дәп қариғанлиқини алаһидә тилға елип ‍өткән.

‍Униң ейтишичә, бу хил радикал хитай дөләтчилики мәлум җәһәттин қисмән болсиму олимпик мусабиқиси вә "хән үстүнлүки" ниң симвули болған рдикал хитай шовинизминиң мәһсули икән. У: "әгәр радикал хитай дөләтчилики билән хән үстүнлүкидин ибарәт бу сағлам болмиған арилашма бастурулмиса, хитай хәлқарада өзиниң муқимсизлиқини интайин испатлапла қалмай, өз пуқралириниң еһтияҗи вә үмидини қандуралмайду" дәп ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт