Olimpik xitayda "Xeterlik xen üstünlükining namayendisi" ge aylan'ghan

Muxbirimiz erkin
2021-08-06
Share

Kanadaliq zhurnalist we obzorchi jin maykél kol kanadadiki nopuzluq tetqiqat orunlirining biri bolghan "Mak-donald lawrér instituti" ning torida maqale élan qilip, olimpik musabiqisining xitayda "Xen milliti üstünlükining xeterlik namayendisige aylan'ghanliqi" ni ilgiri sürgen. Maykél kolning éytishiche, sabiq sowét ittipaqi yimirilip, kommunizm özining jelb qilish küchini yoqatqandin kéyin, xitay kompartiyesi özining qanunyliqini saqlap qélish üchün milletchilikni terghib qilishqa bashlighan.

Maykél kol "Olimpik xitayda xeterlik xen üstünlükining namayendisige aylandi" mawzuluq maqaliside, shi jinping textke chiqqandin kéyin xitay milletchilikining yéngi bir yolgha kirgenliki, bu uning qutritishida chongqur yiltiz tartqan bir gumanxorluqqa aylan'ghanliqini bildürgen. Uning éytishiche, "Xen üstünlüki bilen birleshken radikal xitay milletchilikining kontroldin chiqip ketkenliki we xitayning siyaset belgilishige tesir körsitidighan amilgha aylan'ghanliqigha a'it endishe qilarliq bésharetler bar" iken.

Maykél kol, buning ipadilirini xénende yüz bergen su apiti, tokyoda ‍ötküzülüwatqan olimpik musabiqiliridin körüsh mumkinliki, xitay tenterbiyechilirining peytop musabiqiside teywen mahirlirigha utturup qoyushini bir haqaret, dep qarighanliqini alahide tilgha élip ‍ötken.

‍Uning éytishiche, bu xil radikal xitay döletchiliki melum jehettin qismen bolsimu olimpik musabiqisi we "Xen üstünlüki" ning simwuli bolghan rdikal xitay showinizmining mehsuli iken. U: "Eger radikal xitay döletchiliki bilen xen üstünlükidin ibaret bu saghlam bolmighan arilashma basturulmisa, xitay xelq'arada özining muqimsizliqini intayin ispatlapla qalmay, öz puqralirining éhtiyaji we ümidini qanduralmaydu" dep éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet