Ичкиридин юртиға қайтқан уйғурларни күтүватқан лагерлар

Мухбиримиз әзиз
2019-10-15
Елхәт
Пикир
Share
Принт

Уйғур дияридики сиясий бастурушниң шамили ичкиридә һәр хил кәсипләр билән шуғуллиниватқан уйғурларниму бош қоймайватқанлиқи йеқинда бир қисим уйғурларниң ағзаки баянлиридин мәлум болди.

«Зимистан» ториниң 15-өктәбирдики хәвиридә ейтилишичә, йе лиң тәхәллусидики хитай аптор хитайниң фуҗйән өлкисидә баққаллиқ қиливатқан бақи исимлик бир уйғур билән сөзләшкән. Бақи униңға юртидики аһалиләр комитети өзигә «тездин қайтип келип кимликни йәңгүшливелиш» ни ейтқанлиқини, әмма өзиниң юртиға оттәк қайтқуси болсиму қайтишқа җүрәт қилалмайватқанлиқини ейтқан. Мухбир буниң сәвәбини сориғанда у «ичкиридин қайтип барған уйғурниң һәммиси лагерға кетиватиду. Барсам әмди қайтип келәлмәсликим ениқ» дегән.

Бақи униңға өзи тонуйдиған кишиләрдинла нәччисиниң юртиға қайтқан һаман лагерға елип кетилгәнликини, улардин бәзилириниң 15-20 йилдин қамаққа һөкүм қилинғанлиқини, һазир йеши 40 қа бармиғанлики әрләрниң «тәрбийәләш» кә елип кетиливатқанлиқини сөзләп бәргән. Ичкиридики бир ресторанда ишләватқан рәна исимлик уйғур аялму ериниң икки йил бурун юртидин кәлгән бир телефон билән қайтип барғанчә лагерға қамалғанлиқини, ериниң ортақ тил вә фуҗйән шевисидә раван сөзлийәләйдиғанлиқини, шундақ туруқлуқ һазирғичә «тәрбийәләш» тин чиқалмиғанлиқини ейтип бәргән.

Пикирләр (0)
Share
Толуқ бәт