Xitay paraxotliri talash-tartishtiki sénkaku aralliri rayonigha kirgen

Muxbirimiz ümidwar
2018-01-07
Élxet
Pikir
Share
Print

Yaponiyening döletlik kündilik géziti "Maynichi" ning xewer qilishiche yekshenbe küni etigende xitayning töt déngiz saqchi paraxoti yaponiye bilen xitay arisida talash-tartishta turuwatqan sénkaku arallirigha yéqin yaponiye déngiz tewesige kirgen.

Amérika awazining xewer qilishiche, xitay terep mezkur 4 saqchi paraxotining xitay déngiz saqchi paraxot etritige mensup ikenliki we ularning bu yil tunji qétim xitayning dyawyü aralliri rayonida charlash élip barghanliqini bildürgen. Yaponiye terep bu paraxotlarning birige zénit pilimot orunlashturulghanliqi we bu paraxotlarning yaponiye déngiz teweside bir yérim sa'et charlap, qaytip ketkenlikini bildürgen. Emma, hazirche yaponiye terepning buninggha qarita resmiy inkasi melum emes.

Xitayning bu qétimliq sénkaku arallirini rayonida charlash élip bérish herikiti ötken hepte tokyoda ötküzülgen yéngi yil murasimida yaponiye bash weziri shinzo abé 2018-yili yaponiye-xitay tinchliq we dostluq shertnamisi imzalan'ghanliqigha 40 yil toshidighanliqi, bu munasiwet bilen ikki dölet munasiwetlirining yaxshilinishini ümid qilidighanliqini bildürgendin kéyin yüz bergen. 

Yaponlar sénkaku, xitay dyawyü aralliri dep atawatqan sherqiy déngizdiki mezkur arallar mesilisi ikki dölet munasiwetlirining soghuqlishishidiki muhim amillar qatarida sanilip kélinmekte.

Toluq bet