Xitay "Tutush buyruqi chüshürgen yüz neper qachqun" din peqet bir nepiri xitaygha qaytip özini melum qilghan

Muxbirimiz qutlan
2017-03-11
Élxet
Pikir
Share
Print


Öz hoquqidin paydillinip parixorluq arqiliq ghayet zor mal-mülük toplighandin kéyin chet'elge qéchip kétish ishi xitay kompartiyesining yoqiri qatlimidiki emeldarda da'im körülidighan hadisige aylan'ghan idi.

Shi jinping textke chiqqandin buyan parixor emeldarlargha qattiq zerbe bérish dolquni qozghighan bolsimu, lékin haram mal-mülkini yüdüp chet'elge qéchip kétidighan hadisiler téximu köp körülmektiken.

Xelq torining 10-marttiki xewirige qarighanda, xitay hökümiti 2017-yili kirgendin buyan "Tutush buyruqi chüshürülgen yüz neper qachqun" ni qayturup kélish ishini jiddiy küntertipke qoyghan.

Halbuki, xitay hökümitining shunche tirishchanliqigha qarimay, "Tutush buyruqi chüshürülgen yüz neper qachqun" din aran bir nepirining yéqinda amérikidin xitaygha qaytip özini melum qilghanliqi melum. U tutush buyruqidiki 40-nomurluq qachqun emeldar wang jyajé iken.

Xitay gerche hazirgha qeder tutush buyruqidiki yüz neper qachqun emeldardin 39 nepirini qayturup kelgenlikini tilgha alghan bolsimu, lékin ularning kimliki, qandaq usul qollinip qayturup kelgenliki heqqide melumat bermigen.

Közetküchiler, xitaydiki parixor emeldarlarining chet'elge qéchip kétish hadisisi emeliyette ularning xitay kompartiyesining xitayda uzaqqiche hakimiyet sürishige ishenmeydighanliqini körsitip béridu, dep qarimaqta.

Toluq bet