Xitayning 13-besh yilliq zamaniwi qatnash pilanida Uyghur diyaridiki nuqtilar körsitildi

Muxbirimiz méhriban
2017-02-28
Share

Xitay dölet ishliri kabinéti 28-féwral élan qilghan "Memliketlik 13-besh yilliq zamaniwi qatnash pilani" gha Uyghur diyaridiki sheherlerning ottura asiya we jenubiy asiya döletlirige tutishidighan qatnash liniyiliride 2020-yilghiche téz sür'etlik poyizni omumlashturush, yuqiri sür'etlik tashyol qurulushini tamamlash tilgha élin'ghan.

Weziyet analizchilirining qarishiche, xitay merkizi hökümiti qatnashni rawajlandurushni tekitligen nuqtilar, xitayning ottura asiyadiki musteqil döletler arqiliq yawropa bazirigha yüzlinish, pakistan, hindistan arqiliq jenubiy asiya bazirini échish istratégiyilik pilanigha asasen belgilen'gen.

Xitay xelq torida élan qilin'ghan mezkur pilan heqqidiki tepsiliy xewerde, gherbiy shimaldiki tömüryol qatnash liniyisi tyenjin shehiridin bashlinip, qumul, turpan, korla, qeshqer, turghut, xonjirap éghizigha tutishidu. Qumuldin bashlinidighan gherbiy taq liniye altayning jimuney nahiyisige tutashturulidu, déyilgen. Xewerde yene, lyenyün'gang tömüryoli we yuqiri sür'etlik tashyolning shi'en, lenju, ürümchi, jing nahiyisi, alataw éghizi we qorghasqa biwasite tutashturulidighanliqi, mezkur qatnash liniyilirining chiqimi merkizi hökümet we yerlik ölke, aptonom rayonlarning xam chot chiqimidin serp qilinidighanliqi tilgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet